Sgaoileadh an Eòlais

Original version

BBC Radio nan Gàidheal

Documentaries

Learning

Factual: History

Sreath ùr a' comharrachadh 70 bliadhna de Sgoil Eòlais na h-Alba, 1951-2021.

Sreath ùr a' comharrachadh 70 bliadhna de Sgoil Eòlais na h-Alba, 1951-2021. A new series marking 70 years of the School of Scottish Studies, 1951-2021.

Sgaoileadh an Eòlais: Cleachdaidhean Obrach

Maighread Callan

Cleachdaidhean Obrach

BBC Radio nan Gàidheal - Sgaoileadh an Eòlais, Cleachdaidhean ObrachSearch BBC

Maighread Callan le cuid den bheartas cainnt co-cheangailte ri cleachdaidhean obrach.

Maighread Callan le cuid den bheartas cainnt a bha co-cheangailte ri cleachdaidhean obrach. Margaret Callan looks at the rich vocabulary used in crofting work in bygone days.

'S e sreath ùr a' comharrachadh gu bheil 70 bliadhna bho chaidh Sgoil Eòlais na h-Alba a stèidheachadh aig Oilthigh Dhùn Èideann a th' ann a Sgaoileadh an Eòlais. Tha sinn air iarraidh air grunn dhaoine taghadh a dhèanamh air clàraidhean a tha prìseil dhaibhsan à tasglann na Sgoile ge b' e daoine a bhuineadh dhaibh, sgìre air a bheil iad eòlach neo cuspair anns a bheil ùidh aca. Agus abair gun d'fhuair sinn taghadh de dhualchas agus beul-aithris na Gàidhlig!


Tha an taghadh aig an t-seinneadair Maighread Callan à Uibhist a Tuath a’ toirt sùil air cuid de na cleachdaidhean obrach a tha air a dhol à bith, agus air beartas a bhriathrachais agus meud an eòlais a bha an cois na h-obrach. Tha mòran fhaclan, abairtean agus sheanfhaclan co-cheangailte ri obair nan each, obair calanais, obair na mònadh agus obair àiteachais air a dhol air dìochuimhn’ air sgàth ’s gu bheil an t-eòlas seo a' crochadh air na cleachdaidhean obrach.

Gheibh sinn pìosan bho Dhòmhnall Iain Dòmhnallach, Dòmhnaill Iain Dhonnachaidh à Peighinn nan Aoireann ann an Uibhist a Deas mu uidheam an eich agus mu bhith dèanamh ròpan le gaoisid an eich;  earrann air obair goibhneachd bho Dhòmhnall MacGillEathain, Dòmhnall a’ Ghobha à Càirinis an Uibhist a Tuath agus criomagan mu bhith a’ dèanamh siaman fraoich agus àth-aoil le mòine aig  Seonaidh Dòmhnallach, Seonaidh Dhotaidh, à Caolas Phaibil ann an Uibhist a Tuath.

Aig Flòraidh NicCuthais, Flòraidh Iain Fhionnlaigh Thormoid à Beàrnaraigh cluinnidh sinn ainmean pàirtean den chuidhle-shniomh; tha Dòmhnall MacDhùghaill,  Dòmhnall Ailein MacDhùghaill, Dòmhnall Dhonnchaidh an Dùghlaich à Malacleit, ag innse mar a dh’fheumte aig amannan bhith a' leigeil fala bhon chrodh agus bho Chairistìona Peadarsan, Curstaidh Iain Fhionnlaigh Thormoid, gheibh sinn a-mach mun dòigh anns a robh a teaghlach fhèin a' dèanamh ola le grùthain nan cudaigean  airson a losgadh anns a’ chrùisgean.

Agus airson crìochnachadh, tha Ruairidh Dòmhnallach, Ruairidh na Carnaich, à Uibhist a Tuath a' toirt dhuinn dà phort mu ghoibhneachd.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Sgaoileadh an Eòlais

Cleachdaidhean Obrach

Genres

Brand

BBC Radio nan Gàidheal

About BBC Radio nan Gàidheal