BBC Radio nan Gàidheal

Sgaoileadh an Eòlais

Documentaries

Learning

Factual: History

Sreath ùr a' comharrachadh 70 bliadhna de Sgoil Eòlais na h-Alba, 1951-2021.

Sreath ùr a' comharrachadh 70 bliadhna de Sgoil Eòlais na h-Alba, 1951-2021. A new series marking 70 years of the School of Scottish Studies, 1951-2021.

Sgaoileadh an Eòlais: Am bàrd, Dòmhnall Ruadh Mac an t-Saoir

Gillebrìde MacIlleMhaoil

Am bàrd, Dòmhnall Ruadh Mac an t-Saoir

BBC Radio nan Gàidheal - Sgaoileadh an Eòlais, Am bàrd, Dòmhnall Ruadh Mac an t-Saoir

A' bhàrdachd aig Dòmhnall Ruadh Mac an t-Saoir, a chlàr Sgoil Eòlais na h-Alba.

A' bhàrdachd aig Dòmhnall Ruadh Mac an t-Saoir, a chlàr Sgoil Eòlais na h-Alba. Le Gillebrìde Mac 'IlleMhaoil. Gilbert MacMillan's choice of Donald MacIntyre's poetry.

'S e sreath ùr a' comharrachadh gu bheil 70 bliadhna bho chaidh Sgoil Eòlais na h-Alba a stèidheachadh aig Oilthigh Dhùn Èideann a th' ann a Sgaoileadh an Eòlais. Tha sinn air iarraidh air grunn dhaoine taghadh a dhèanamh air clàraidhean a tha prìseil dhaibhsan à tasglann na Sgoile ge b' e daoine a bhuineadh dhaibh, sgìre air a bheil iad eòlach neo cuspair anns a bheil ùidh aca. Agus abair gun d'fhuair sinn taghadh de dhualchas agus beul-aithris na Gàidhlig!

'S ann à Gearra Bhailteas an Uibhist a Deas a tha an seinneadair Gillebrìde Mac 'IlleMhaoil. Bhuannaich e Bonn Òir an t-Seann Nòis ann an Dùn Omhain ann an 2000 agus na obair làitheil 's e òraidiche Gàidhlig agus Ceiltis a th' ann aig Oilthigh Ghlaschu. Mar as dòcha a shaoileadh sibh 's ann a dh' Uibhist a Deas a chaidh e airson a thaghadh às an tasglann  -  am bàrd, Dòmhnall Ruadh Mac an t-Saoir, Bàrd Phàislig. 

Ged a b' ann mar bhàrd a fhuair Dòmhnall Ruadh Mac an t-Saoir, cliù airson òrain cho ainmeil 's a th' againn ann an saoghal na Gàidhlig - Òran na Cloiche, Sporan Dhòmhnaill agus Bùth Dhòmhnaill 'IcLeòid nam measg - mar a tha Gillebrìde ag ràdh, chan eil sin ag innse làn sgeulachd mu shaothair Dhòmhnall a thaobh òrain is dàin. Anns an tasglann, ann an còmhraidhean agus seinn a chaidh a chlàradh le Calum Mac Gill-Eain, cluinnidh sinn cho fiosrachail agus eòlach s 's a bha Dòmhnall Ruadh air òrain bhon dualchas aige fhèin.

'S iad na h-òrain a tha Gillebrìde a taghadh dhuinn Am Bothan a bh’ aig Fionghalla, an t-òran luaidh Horo Hùg gur e an Latha, òrain a' moladh agus a dì-moladh Inbhir Lòchaidh, Òran do Chatrìona NicMhathain  agus fear de na dàin èibhinn, aoireil  aige, MacPhàil is MacThòmais.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Sgaoileadh an Eòlais

Am bàrd, Dòmhnall Ruadh Mac an t-Saoir

Genres

Brand

BBC Radio nan Gàidheal

About BBC Radio nan Gàidheal