Sgaoileadh an Eòlais

Original version

BBC Radio nan Gàidheal

Documentaries

Learning

Factual: History

Sreath ùr a' comharrachadh 70 bliadhna de Sgoil Eòlais na h-Alba, 1951-2021.

Sreath ùr a' comharrachadh 70 bliadhna de Sgoil Eòlais na h-Alba, 1951-2021. A new series marking 70 years of the School of Scottish Studies, 1951-2021.

Sgaoileadh an Eòlais: Ainmean à Muile

Ainmean à Muile

BBC Radio nan Gàidheal - Sgaoileadh an Eòlais, Ainmean à Muile

Alasdair MacIlleBhàin le taghadh à Muile de na chlàr Sgoil Eòlais na h-Alba.

Alasdair MacIlleBhàin le taghadh à Muile de na chlàr Sgoil Eòlais na h-Alba. Alasdair Whyte brings us his choice of recordings from Mull made by the the School of Scottish Studies

'S e sreath ùr a' comharrachadh gu bheil 70 bliadhna bho chaidh Sgoil Eòlais na h-Alba a stèidheachadh aig Oilthigh Dhùn Èideann a th' ann a Sgaoileadh an Eòlais.   Tha sinn air iarraidh air grunn dhaoine taghadh a dhèanamh air clàraidhean a tha prìseil dhaibhsan à tasglann na Sgoile ge b' e daoine a bhuineadh dhaibh, sgìre air a bheil iad eòlach neo cuspair anns a bheil ùidh aca. Agus abair gun d'fhuair sinn taghadh de dhualchas agus beul-aithris na Gàidhlig!

'S e a' chiad fhear a tha a' toirt a chuid fhèin dhuinn, an Dr Alasdair MacIlleBhàin às an t-Sàilean am Muile a tha an-dràsta na Cho-Eòlaiche Rannsachaidh ann an Ainm-Eòlas Ceilteach aig Oilthigh Ghlaschu. 'S fhada bho thòisich ùidh ann an ceòl agus cultar na Gàidhlig.  Bhuannaich e am Bonn Òr aig Mòd Dhùn Òmhain ann an 2006 aig aois 19 agus chaidh cuideachd ainmeachadh mar Thosgaire na Bliadhna le Riaghaltas na h-Alba ann an 2019.

Tha e a' tòiseachadh sa Ros Mhuileach, ann an ceann an iar-dheas an eilein, le Gilleasbaig MacIllEathain, no Eàirdsidh mar a b' fheàrr a b' eòlaich daoin' air, a rugadh ann an 1880 is a bhuineadh do dh' Àrdtunna faisg air Bun Easain agus  e a' toirt dhuinn criomag den eòlas a bh' aige air ainmean-àite sa sgìre.

'S e ceatharnach ainmeil a bh' ann an Ailean nan Sop ann a Muile agus bheir Alasdair dhuinn beagan den eachdraidh aige ann an clàraidhean bho Eàirdsidh, Calum MacPhàil à Eilean Ulbha agus bho Iain Robasdan a bhuineadh do Thobar Mhoire. Gheibh sinn iomradh air te a chuireadh feagal air a' cheatharnach fhèin - a’ Chailleach Bheurra -  bho Dhùghall Iain Nèill Dhùghaill, an Caiptean Dùghall MacCormaig à Fionnphort. 

Bheir Dòmhnall MacPhàrlain, cìobair às an Ros Mhuileach,  seanchas dhuinn mun t-Sìthean Riabhach agus cuideachd air grunn àiteachan aig a bheil buntanas ri Calum Cille. 

Agus tha òran aige le Anna Ghreumach mu Ghleann Forsa, gleann mòr ann an meadhan an eilein a chaidh fhuadach san 19mh linn.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Sgaoileadh an Eòlais

Ainmean à Muile

Genres

Brand

BBC Radio nan Gàidheal

About BBC Radio nan Gàidheal