Dèanamaid Adhradh

Original version

BBC Radio nan Gàidheal

Religion & Ethics

Adhradh is seirbhisean-eaglaise. Acts of worship and church services

Adhradh is seirbhisean-eaglaise. Acts of worship and church services.

Dèanamaid Adhradh: Còmhla ri Mgr Ros Crichton

Còmhla ri Mgr Ros Crichton

BBC Radio nan Gàidheal - Dèanamaid Adhradh, Còmhla ri Mgr Ros Crichton

Seirbheis na Càisge le Mgr Ros Crichton, Paraiste Ceann a Deas Uibhist 's Eirisgeidh.

Seirbheis na Càisge le Mgr Ros Crichton, sagart air Paraiste Ceann a Deas Uibhist 's Eirisgeidh. Easter Service with Fr Ross Crichton, parish priest South End of Uist and Eriskay.

Anns an t-seirbheis cluinnidh sinn na laoidhean agus na leughaidhean a leanas:
Gloria air a sheinn le Còisir Eaglais Naomh Barr ann am Barraigh 
Èiridh Bileag Ùr Ghorm le Màiri Catrìona NicNèill
Còisir Eaglais Naomh Mhìcheil ann an Eirisgeidh a’ seinn Dh’fhàg Thu Sìth
Julie NicPhaidein le taic bho Mhàirianna NicUalraig a’ seinn Cia Domhainn Gràdh an Athar Dhuinn

Leughaidhean:
A' chiad leughadh bho leabhar Ecsodus 3:  1-15
Soisgeul Luc 24: 1-12 & Marcus 16: 3 & 1: 15

"Rugadh Mgr. Ros Crichton ann an Glaschu, agus tha ceanglaichean-teaghlaich làidir aige ri Earra-Ghàidheal, Loch Abar agus Inbhir Nis air taobh a mhàthar. Rinn e ceum ann an Ceiltis aig Oilthigh Ghlaschu mus deach e don Ròimh far an do chuir e seachad còig bliadhna a’ dèanamh ceuman ann am Feallsanachd agus Diadhachd aig an Oilthigh Gregoriana. Chaidh e an uair sin don Fhràing gus ceum a dhèanamh ann an Lagh Cananach. Chaidh òrdachadh na shagart san Òban ann an 2005 agus thill e don Fhraing far an robh e na shagart-cuideachaidh fad bliadhna anns a’ pharaiste St. Francois de Sales ann am Pairios, fhad ’s a bha e a’ cur crìoch air a cheum ann an Lagh. A’ tilleadh a dh’Alba ann an 2006, bha e greis ann am Paraiste Naomh Mhoire anns a’ Ghearastan mus do ghluais e do Bheinn na Faoghla aig deireadh na bliadhna sin. An dèidh deich bliadhna na shagart-paraiste ann an Grìminis, chaidh ainmeachadh na shagart-paraiste do Pharaiste Naomh Mhìcheil an Eirisgeidh ann an 2016 agus Paraiste Naomh Pheadair, Uibhist a Deas, ann an 2017. Aig an aon àm, chaidh iarraidh air obair a dhèanamh gus leabhar-ùrnaigh agus laoidheadair ùr a chur an clò agus eadar-theangachadh ùr a chruthachadh airson teacsaichean sàcramaideach na h-Eaglaise: obair a tha a’ leantainn fhathast ach aig ìre gu math adhartach. Tha e cuideachd na iar-cheann-suidhe air am Fondation Catholique Ecossaise a tha a’ rianachadh bhursaraidhean do dh’oileanaich Albannach a tha ag ionnsachadh Fraingis no Diadhachd ann am Pairios. Tha obair am Fondation a’ dol air ais 700 bliadhna don 14mh linn; ceangal eachdraidheil eadar an dà dhùthaich a tha beò fhathast agus na thlachd do Mhgr. Ros a bhith an sàs ann on a bha e fhèin na neach-tairbhe fon sgeama seo."

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Dèanamaid Adhradh

Còmhla ri Mgr Ros Crichton

Genres

Brand

BBC Radio nan Gàidheal

About BBC Radio nan Gàidheal