Calum MacFhearghais - na Fhacail Fhèin

Original version

BBC Radio nan Gàidheal

Factual

Calum MacFhearghais 1920x1080

BBC Radio nan Gàidheal - Calum MacFhearghais - na Fhacail Fhèin

A' cuimhneachadh air Calum MacFhearghais, na fhacail  fhèin. Còmhla ri Annella Nicleòid.

A' cuimhneachadh air Calum MacFhearghais, na fhacail  fhèin. Còmhla ri Annella Nicleòid. Remembering the late Calum Ferguson, in his own words. With Annella Macleod.

B’ e sgrìobhadair, craoladair, tidsear,  eachdraiche, ‘s seanchaidh a bh’ ann an Calum MacFhearghais - ach os cionn a h-uile càil a bha sin b’ e Rubhach a bh’ ann. Bhàsaich Calum, Calum Bhob mar a b' fheàrr a dh'aithnichear e am Port Mholair far na rugadh e,  san Dàmhair am-bliadhna aig aois 93.

Às dèidh greis a thoirt ann a Sgoil Ealain Ghlaschu, thug e a-mach ceum an Oilthigh Obair Dheathain 's bha e a' teagasg am Preastabhaig, am Baile Udain agus ann Ceann Loch Goill.  Bha e am measg grunn thidsearan a biodh a‘ comhairleachadh a’ BhBC a thaobh stuthan teagasg agus ann an 1962 fhuair e obair mar riochdaire phrògraman sgoiltean ag obair air sreathan lethid ‘Exploring Scotland’ agus ‘Stories from Scottish History’ air rèidio. Fhuair e cothrom an uair sin a dhol gu telebhisean ann a Lunnainn a dh'obair air Play School ann a 1972 còmhla ri Cynthia Felgate. Ri linn a shlìante, thill e a dh’Alba agus fhuair e obair aig Oilthigh Shrath Chluaidh a’ clàradh bhideothan airson stuthan teagasg, agus an uairsin fhuair e obair mar cheannard air an aon roinn an Oithigh Ghlaschu.

Ann an 1990 thill e a Leòdhas 's thòisich e companaidh telebhisean, Lòchran,  agus am measg na rinn e bha am prògram iomraiteach Am Pòsadh Hiortach airson a' BhBC. Às dèidh dha sin a leigeil seachad b' ann gu sgrìobhadh a thionndaidh e agus bha Hiort far na Laigh a’ Ghrian, Lewis in the Passing, Children of the Blackhouse, Soolivan agus Casan Searraich air leabhraichean a thàinig bhuaithe. 

A seo tha Annella Nicleòid, a chlàr grunn shreathan rèidio còmhla ris, a' toirt dhuinn dealbh air Calum le a bhith dol tro na sreathan sin agus a' togail asta criomagan de na cuspairean a bha cudromach dha fhèin.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Calum MacFhearghais - na Fhacail Fhèin

Genres

BBC Radio nan Gàidheal

About BBC Radio nan Gàidheal