Coinneach MacÌomhair a' cuimhneachadh air Dan Moireach

Original version

BBC Radio nan Gàidheal

Turas Dan a Lunnainn

Factual

Dan Moireach 1938-2023

BBC Radio nan Gàidheal - Turas Dan a Lunnainn

Coinneach MacÌomhair a' cuimhneachadh air Dan Moireach.

Coinneach MacÌomhair a' cuimhneachadh air Dan Moireach. Kenny Maciver introduces a tribute to the late Dan Murray, bringing us a special programme recorded with him in London.

Tha còrr air dà fhichead bliadhna bho chualas Dan Moireach, a bhàsaich Disathairne a chaidh,  air radio an toiseach. Bhiodh e tric ri chluinntinn air Aithris na Maidne sna 80an nuair a bha e ag obair aig gàrradh-òla Àranais agus an obair aig àirde. Às dèidh dha obair làitheil a leigeil seachad, fhuair e sreath phrògraman dha fhèin air a robh An Tac an Teine,  far am biodh e a' còmhradh ri daoine mu iomadh cuspair bho obair nan each gu obair seòlaidh, bhon àirigh chun Overnewton,  bho bhàird baile gu prìosanaich cogaidh.  A thilleadh air a sin, bha ùidh mhòr aige ann am bogsadh agus ann a seann filmichean - gu h-àraid an fheadhainn sa robh Marilyn Monroe.  

'S e craoladair a bh' ann aig a robh dàimh làidir ris a' luchd-èisteachd agus cha b'fhada gun d'fhuair e àrd-ùrlar eile a bheireadh cothrom a bharrachd dha. Thairis air fichead bliadhna còmhla ri Coinneach MacÌomhair, chuala sinn e an toiseach ag innse mu na h-annasan a bhiodh e a' lorg san tasglann de Ghasaet Steòrnabhaigh a bhiodh e a' sgrùdadh airson uairean a thìde sa leabharlann. Sna bliadhnaichean mu dheireadh 's e a bheachdan air poilitigs 's cùisean sòisealta a bha na tharraing mhòr agus e fhèin agus a chompanaich a' cumail ceann a' mhaide ri Coinneach. Cha robh prògram far nach toireadh e smaoineachadh agus gàire oirnn.  

Nuair a ràinig Dan aois trì fichead 's a deich chaidh e fhèin 's Coinneach  air turas a Lunnainn, agus a seo cluinnidh sinn mar a chaidh dhaibh ann an Tùr Lunnainn, an  Taigh nan Cumantan, aig taisbeanadh mun dà Chogadh Mhòr agus mar a chaidh dha nuair a choinnich e ri Alasdair Darling, an Seansalair a bh' ann aig an àm.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Turas Dan a Lunnainn

Genres

BBC Radio nan Gàidheal

About BBC Radio nan Gàidheal