Cofio

Original version

Ail wasanaeth BBC Radio Cymru sy'n cynnig sioe frecwast bob bore'r wythnos.

BBC Radio Cymru 2

Ail wasanaeth BBC Radio Cymru sy'n cynnig sioe frecwast bob bore'r wythnos.


Factual: Arts, Culture & the Media

Archif, atgof a chân yng nghwmni John Hardy.

Archif, atgof a chân yng nghwmni John Hardy. A visit to the Radio Cymru archive with John Hardy.

BBC Radio Cymru

Cofio: Llyfrau

04/06/2023

Llyfrau

BBC Radio Cymru - Cofio, Llyfrau

Archif, atgof a chân o fyd y llyfrau yng nghwmni John Hardy.

Archif, atgof a chân yng nghwmni John Hardy wrth iddo bori trwy ambell i lyfr gan gynnwys Llyfr Mawr y Plant. A visit to the Radio Cymru archive with John Hardy - all things books!

I fyd y llyfrau gan ddechre efo'r gêm banel Dros Ben Llestri o'r 90au a Lyn Ebenezer yn chwarae efo geiriau wedi iddo gael y dasg "Ar y Silff", yna clywn gan ddisgyblion Ysgol Gymraeg Aberystwyth am be sy'n gwneud stori dda.

Mi roedd Bob Owen, Croesor yn enwog am gasglu llyfrau a dyma fo mewn darlith yn Lerpwl yn 1961 yn sôn am sut y dechreuodd ei gasgliad enfawr, gyda diolch i'r mil-feddyg Huw Geraint am recordio'r anerchiad.   Mae'r awdures Marion Eams yn sôn wrth T Glynne Davies am sut yr oedd hi yn darllen popeth pan yn ifanc - hyd yn oed y botel sôs brown!

Huw Edwards, Brithdir yn adrodd hanes un a wnaeth safiad yn erbyn Brad y Llyfrau Gleision.   Ganwyd Evan Jones, neu Ieuan Gwynedd, ym Meirionnydd a mi roedd yn academydd ac yn weinidog a bu farw yn llawer rhy ifanc.

Mae llyfrau ein plentyndod yn cael sylw. Cyhoeddwyd Llyfr Mawr y Plant gan Jenni Thomas a JO Williams ym 1931, a bu’n llwyddiant ysgubol. Ac awdur Cyfres y Llewod, Dafydd Parri, bu’n sgwrsio efo Robin Williams nôl ym 1979.

Pobl sydd wedi mentro mewn busnes oedd dan sylw T Glynne Davies.  Arianwen Parry, Llanrwst fu'n sôn am ddechrau siop lyfrau Gymraeg yn Llanrwst a'r heriau oedd yn ei gwynebu.

T Llew Jones sy'n sôn am ei gyfnod yn athro ysgol yn y 50au a dod ar draws ŵr a fu'n ddylanwad mawr arno, sef Alun R Edwards, Llyfrgellydd y Sir.

Yr Athro Mary Williams, Abertawe yn cofio'r Llyfrgell Genedlaethol yn Aberystwyth yn cael ei sefydlu ac yn rhannu atgofion gyda Eleri Hopcyn yn 1975.

Gwyn Davies, John Ogwen a Tudur Dylan gafodd y dasg o lunio englyn yn cynnwys un o Lyfrau'r Beibl ym Mhabell Lên Eisteddfod Ceredigion 1992.

....ac yn olaf, pwy all anghofio Sali Mali?   Llyfr eiconig Mary Vaughan Jones a'r lluniau gan Rowena Wyn Jones a gyhoeddwyd yn gyntaf yn 1969.

Mae Radio Cymru wedi bod yn darlledu rhaglenni ers 1977. Radio Cymru has been broadcasting to the nation since 1977.

Accessibility links

Programme Index

Cofio

Llyfrau

Genres

Brand

BBC Radio Cymru 2

About BBC Radio Cymru 2