Dèanamaid Adhradh Tasglann

Original version

BBC Radio nan Gàidheal

Dèanamaid Adhradh

Religion & Ethics

Adhradh is seirbhisean-eaglaise. Acts of worship and church services

Adhradh is seirbhisean-eaglaise. Acts of worship and church services.

Dèanamaid Adhradh: Còmhla ri Mgr Iain P MacFhionghuin

Còmhla ri Mgr Iain P MacFhionghuin

BBC Radio nan Gàidheal - Dèanamaid Adhradh, Còmhla ri Mgr Iain P MacFhionghuin

Còmhla ri Mgr Iain P MacFhionghuin, Eaglais Reul na Mara, Bàgh a'  Chaisteil, Barraigh.

Seirbheis còmhla ri Mgr Iain P MacFhionghuin,  Eaglais Reul na Mara, Bàgh a' Chaisteil, Barraigh. Gaelic service with Fr John P MacKinnon, Our Lady Star of the Sea, Castlebay.

Anns an t-seirbheis seo cluinnidh sibh na laoidhean agus na leughaidhean a leanas:
Còisir Eaglais Naomh Barr a’ seinn A Thighearna Dhia/ A Thighearna Seall Dhomh do Dhoighean agus  Seinnibh don Tighearna .
Anna Nic na Ceàrdaich a’ seinn Dhìt Pileat Gu Bàs Thu
Sgoilearn Sgoil Lionacleit a’ seinn Tha sinn seasamh aig an t-Soisgeul
Còisir Eaglais Naomh Peadair a’ seinn An Crann Ceusaidh

Leughaidhean:
 A’ chiad leughadh:	        Isaiah 50:  4-7
An dàrna leughadh:	Philipianaich  2:  6-11
Soisgeul:		                Mata 21: 1-11

Rugadh Mgr Iain Pòl ann an Dalabrog an Uibhist a Deas agus chaidh a thogail san sgìre sin gus an robh e ochd deug. Chaidh oideachadh ann am Bun-Sgoil Dhalabroig agus ann an Sgoil Lionacleit.

Bha ùidh riamh aige ann an obair na sagartachd agus bhiodh e a' cur seachad tòrr ùine a' sàs ann an gnothaichean na h-eaglaise na òige. Aig ochd deug rinn e co-dhùnadh gur e seo an t-slighe a bha e airson a leantainn agus chaidh e do Cholaiste Rìoghail na Sagartachd ann an Salamanca sa Spàinn airson trèanadh. Bha Mgr Iain Pòl seachd bliadhna sa Spàinn mus tàinig e a-mach na shagart air an 24 den Ògmhios 1999, agus ghabh e a bhòidean san eaglais far an deach a thogail, Eaglais Naomh Peadar ann an Dalabrog.

Bha Mgr Iain Pòl stèidhichte aig Eaglais Naomh Moire ann am Beinn a' Bhaoghla airson a' chiad seachd mìosan agus chaidh an uairsin a ghluasad gu Eaglais Naomh Mun ann an Dùn Omhain na shagart-cuideachaidh. Às dèidh dà bhliadhna chaidh a chuir na shagart paraiste air Eaglais Naomh Moire agus Calum Cille ann an Ceann a' Ghiùthsaich agus cuideachd a' frithealadh paraistean an Aghaidh Mhòir agus Bhail' Ùr nan Granndach. Chur e seachad ùine cuideachd na shagart paraiste ann am Bail' a' Chaolais mus deach a ghluasad a Bhàgh a' Chaisteil. Tha Mgr Iain Pòl an-diugh a' coimhead às dèidh na paraistean air fad  a th' aig an eaglais ann am Barraigh.

Bhiodh sibh air eòlas a chuir air Mgr MacFhionghuin, cuide ri sagairt eile bho sgìr'-easbaig Earra Ghaidheil 's nan Eilean, anns an t-sreath phrògraman, An Island Parish, a bha air BBC2 grunn bhliadhnaichean air ais.

Nuair a gheibh Mgr Iain Pol ùine dha fhèin, is toigh leis a bhith a' cluich golf, a' leughadh, ag èisteachd ri ceòl, agus a' coimhead ball-coise. Tha ùidh mhòr aige ann an eachdraidh, dualchas, biadh agus fìon na Spàinne.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Dèanamaid Adhradh

Còmhla ri Mgr Iain P MacFhionghuin

Genres

Brand

BBC Radio nan Gàidheal

About BBC Radio nan Gàidheal