Dèanamaid Adhradh Tasglann

Original version

BBC Radio nan Gàidheal

Dèanamaid Adhradh

Religion & Ethics

Adhradh is seirbhisean-eaglaise. Acts of worship and church services

Adhradh is seirbhisean-eaglaise. Acts of worship and church services.

Dèanamaid Adhradh: Cònhla ris an Urr Iain M Mac a' Ghobhainn

Cònhla ris an Urr Iain M Mac a' Ghobhainn

BBC Radio nan Gàidheal - Dèanamaid Adhradh, Cònhla ris an Urr Iain M Mac a' Ghobhainn

Seirbheis còmhla ris an Urr John M Mac a' Ghobhainn, Eaglais na h-Alba Loch nam Madadh.

Seirbheis còmhla ris an Urr John Murdo Mac a' Ghobhainn, Eaglais na h-Alba, Loch nam Madadh 1992. Gaelic archive service conducted by Rev JM Smith, Church of Scotland 1992.

Anns an t-seirbheis cluinnidh sibh na sailm agus na leughaidhean a leanas:
Salm 89: 5-6 air fonn London New agus 's e Tomas Moireasdan a tha os cionn na seinn
Salm 106: 4-5 air fonn Evan agus 's e Dòmhnall Iain MacIllFhinnein a tha os cionn na seinn.
Chaidh an t-seinn a chlàradh ann an Eaglais na h-Alba ann an Loch nam Madadh.

Leughadh: 1 Eoin 4: 1-21 
Ceann-teagaisg : Dàn Sholaimh 1:4 

Ged a rugadh an t-Urramach Iain M. Mac a' Ghobhainn, John Murdo an Tucsain, ann a' Leòdhas anns an Lùnastal 1927, chanadh e fhèin nach mòr nach e Uibhisteach a bh' ann. Dh'fhalbh e à Leòdhas aig aois 18, nuair a chaidh e do Fheachd an Adhair, ach tha e air a bhith an Uibhist corr math air leth cheud bliadhna .
'S e an treas mac aig Alasdair Iain Sheònaid à Siadar agus bhuineadh a mhàthair, Oighrig Iain Uilleim Ruaidh, do sgìre Bharabhais. Bha còignear theaghlach aca, Dòmhnall Iain, Uilleam, John Murdo, Catrìona agus Dòmhnall Murdo. Clann an Tucsain a chanar riutha, an t-ainm a' tighinn bhon athair a chuir seachad ùine an Ameireagaidh na òige.
Chaidh Iain do Sgoil Àirigh an Tuim, mu mhìle bhon taigh aca. Dh'fhàg e sgoil aig aois 14, airson a dhol an ceann a chosnaidh, a' dèanamh obair sam bith a bha dol, a' cuideachadh le obair fearainn agus le togail thaighean.
Aig aois 18 chaidh a thogail do Fheachd an Adhair. An dèidh greis a' trèanadh ann a' Sasainn am meadhan nan dà fhicheadan, chaidh e dhan Èiphit agus às dèidh sin a dh'Iraq. Thug e bliadhna aig Shaibah, faisg air Basra, mus do ghluais e gu Habbaniya, far an robh port-adhar mòr agus trang. Chòrd an dùthaich agus na daoine ris.
Thill John Murdo à Feachd an Adhair air ais a Shiadar ann an 1948 agus bliadhna an dèidh sin thàinig atharrachadh na bheatha nuair a bha dùsgadh spioradail as a' sgìre. Chaidh an t-uabhas de dhaoine sean is òg iompachadh as an dùsgadh agus iad an dèidh a bhith ag eisteachd ris na searmoin aig an soisgeulaiche an t-Urr Donnchadh Caimbeul.
Le taic bho Mgr MacAoidh, ministeir na sgìre aig an àm, chuir John Murdo aghaidh air foghlam agus ullachadh airson a bhith na mhinisteir. An 1956, cho luath 's a bha e ullamh, fhuair e gairm a dh'Uibhist a Deas, bho choitheanal eaglais Tobha Mòr.
Bha trì eaglaisean rim frithealadh as a' sgìre, ann an Tobha Mòr, san Druim Mòr agus san Ìochdar. 'S ann an eaglais an Ìochdair a choinnich e ri bhean, Mairead Nic a' Phearsain, a bha na tidsear bun-sgoil agus, dà bhliadhna an dèidh dha tighinn a dh'Uibhist, phòs iad.
Bha e an Uibhist aig an àm a bha raon nan rocaid ga stèidheachadh agus bha e tric a dol a dh'èisteachd ris na croitearan a' tagradh air an son fhèin ann an Cùirt an Fhearainn. Gu dearbha, chaidh a' chùirt a dhùnadh an latha a phòs e gus am faigheadh daoine cothrom a dhol chun na bainnse.
Bha an t-Urr Mac a' Ghobhainn air a bhith ann an Tobha Mòr seachd no ochd de bhliadhnaichean nuair a fhuair e gairm bho choitheanal Loch nam Madadh is Thruimisgearraidh. Ghluais e gu tuath ann an 1963. Shaothraich e an Uibhist a Tuath airson deich bliadhna fichead, a' frithealadh trì eaglaisean an Truimisgearraidh, Loch Portain agus Loch nam Madadh.
An dèidh a dhreuchd a leigeil dheth, dh'fuirich e ann an Uibhist a Tuath. Tro na bliadhnaichean a bha e ag obair an Uibhist a Tuath, bha e den bheachd gun d' rinn e mu shia mìle searmoin, gun do bhaist e còrr air dà cheud pàiste agus gun do phòs e ceithir fichead càraid 's a deich.

Chaidh Bonn Ìmpireachd Bhreatainn, am BEM, a bhuileachadh air an Urr Iain M Mac a' Ghobhainn ann an Liosta Urraman na Banrigh ann an 2016  agus chan e sin a-mhàin, air a' bhliadhna sin bha e cuideachd a' comharrachadh trì fichead bliadhna na mhinistear.

Bhàsaich Mgr Mac a' Ghobhhainn air an treas là deug den Dùbhlachd 2022 aig aois ceithir fichead 's a coig deug.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Dèanamaid Adhradh

Cònhla ris an Urr Iain M Mac a' Ghobhainn

Genres

Brand

BBC Radio nan Gàidheal

About BBC Radio nan Gàidheal