Dèanamaid Adhradh Tasglann

Original version

BBC Radio nan Gàidheal

Dèanamaid Adhradh

Religion & Ethics

Adhradh is seirbhisean-eaglaise. Acts of worship and church services

Adhradh is seirbhisean-eaglaise. Acts of worship and church services.

Dèanamaid Adhradh: An t-Urr Iain Moireasdan, an Eaglais Shaor Leantainneach

An t-Urr Iain Moireasdan, an Eaglais Shaor Leantainneach

BBC Radio nan Gàidheal - Dèanamaid Adhradh, An t-Urr Iain Moireasdan, an Eaglais Shaor Leantainneach

Seirbheis à tasglann a' BhBC còmhla ris an Urr I Moireasdan, Eaglais Shaor Leantainneach.

Seirbheis à tasglann a' BhBC còmhla ris an Urr Iain Moireasdan, Eaglais Shaor Leantainneach Chille Mhoire. Gaelic religious archive service with Rev John Morrison from 2001.

Anns an t-seirbheis cluinnidh sibh na sailm is an leughadh a leanas:

Salm 32: 1-2 air fonn Martyrdom agus ‘s e Tormod MacIllÌosa a tha os cionn na seinn le taic bho choitheanal Eaglais Shaor Chille Mhoire.
Salm 84:  4-6 air fonn Kilmarnock agus ‘s e Alasdair Macleòid a tha os cionn na seinn le taic bho choitheanal Eaglais na h-Alba ann am Portrìgh.
Salm 116: 7-8 air fonn Balerma agus ‘s e  Dòmhnall MacSuain a tha os cionn na seinn le taic bho choitheanal Eaglais Shaor Sgalpaigh.

Leughadh:  		2 Corintianaich 1:  1-22
Ceann- teagaisg:	2 Corintianaich 1:  2-4  

Rugadh agus thogadh an t-Urr Iain Moireasdan ann an Eilean Bheàrnaraigh far an robh athair na mhiseanaraidh. Bha seachdnar anns an teaghlach aca, còignear nighean agus dithis bhalach. Bhàsaich athair ann an 1944 agus thill an teaghlach a Sgalpaigh.

Às dèidh an sgoil fhàgail, chaidh an t-Urr Moireasdan a dh'obair a Ghlaschu agus chaidh e an uair sin air cùrsa einnseanaireachd ann an Colaiste Stow airson dà bhliadhna. Chuir e seachad dà bhliadhna aig muir agus thill e air ais a Steòrnabhagh far an do chuir e air chois gnìomhachas einnseanaireachd aig Eilean nan Gobhar.

Chaidh iompachadh ann an 1966 tro mhinistrealachd an Urr Iain Moireasdan a bha aig an àm sin os cionn coitheanal Chrois ann an Nis. Chaidh an t-Urr Moireasdan air ais a Ghlaschu agus gu Oilthigh Ghlaschu, agus an uair sin gu Colaiste na h-Eaglaise Saoire ann an Dùn Èideann airson dreuchd na ministrealachd a thoirt a-mach.

Chaidh a phòsadh ri coitheanal na h-Eaglaise Saoire anns a' Ghearastan ann an 1975. Dh'fhuirich e ann an sin gu 1992 nuair a chaidh a phòsadh ri coitheanal Shiaboist an Eilean Leòdhais. Ann an 1999 chaidh a phòsadh ri coitheanal Chille Mhoire far an robh e gus an robh sgaradh san eaglais ann an 2000. Dh'fhuirich an t-Urr Moireasdan ann an Cille Mhoire far an do thog coitheanal na h-Eaglaise Saoire Leantainnich eaglais ùr a dh'fhosgail ann an 2006.

Leig an t-Urr Moireasdan dheth a dhreuchd mar mhinistear air a' choitheanal ann an 2010 agus ghluais e a dh'Inbhir Nis. Mar a thuirt e fhèin, "Cha robh mi a-riamh cho trang 's a tha mi a-nise!" Bidh e gu math tric a' searmonachadh ann an coitheanalan thall 's a bhos agus cuideachd a' toirt seachad òraidean ann an seamanaraidh a chaidh a chur air chois ann an Inbhir Nis airson a bhith trèanadh mhinistearan san Eaglais Shaor Leantainneach.

Nuair a gheibh e ùine dha fhèin, 's toigh leis a bhith a' cur seachad ùine anns a' ghàrradh agus a' falbh air a' bhaidhsagail.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Dèanamaid Adhradh

An t-Urr Iain Moireasdan, an Eaglais Shaor Leantainneach

Genres

Brand

BBC Radio nan Gàidheal

About BBC Radio nan Gàidheal