Dèanamaid Adhradh Tasglann

Original version

BBC Radio nan Gàidheal

Dèanamaid Adhradh

Religion & Ethics

Adhradh is seirbhisean-eaglaise. Acts of worship and church services

Adhradh is seirbhisean-eaglaise. Acts of worship and church services.

Dèanamaid Adhradh: An Canan Dòmhnall MacAoidh

An Canan Dòmhnall MacAoidh

BBC Radio nan Gàidheal - Dèanamaid Adhradh, An Canan Dòmhnall MacAoidh

Seirbheis à tasglann a' BhBC bho 2002 còmhla ris a'Chanan Dòmhnall MacAoidh, nach maireann

Seirbheis à tasglann a' BhBC bho 2002 còmhla ris a' Chanan Dòmhnall MacAoidh, nach maireann.  Archive service from 2002 conducted by the late Canon Donald MacKay.

Anns an t-seirbheis seo cluinnidh sibh na laoidhean agus na leughaidhean a leanas:

Còisir Eaglais Naoimh Mhicheil a’ seinn Dh’fhàg Thu Sìth.

Còisir Eaglais Naoimh Peadair a’ seinn Laoidh Chaluim Chille.

Còisir Eaglais Naomh Barr sa Bhàgh a’ Tuath a’ seinn O Thig a Nuas a Spioraid Naoimh agus ‘Se ‘n Tighearna Fhèin Mo Chìobair.

Màiri C NicNèill a’ seinn A Mhoire Mhìn Gheal 

Leughadh:	Eòin 20: 19-31
			1 Peadar 1: 3-9


Rugadh an Canan Dòmhnall MacAoidh ann an Uibhist a Deas. Chaidh a thogail ann an sgìre Ghearradh na Mònadh agus b' ann nuair a bha e na chlèireach air an altar ann an Eaglais Màthair na Dòrainne a rinn e suas inntinn gun robh e airson a bhith na shagart agus b' e sin an t-slighe a lean e.
Chaidh Mgr Dòmhnall gu Sgoil Ghearradh na Mònadh gus an robh e dhà dheug agus chaidh e às an sin gu Sgoil Naomh Vincent air Bruach Chluaidh agus gu Colaiste Blairs. Ghluais e às an sin gu Colaiste na Sagartachd anns an Spàinn, a bha stèidhichte aig an àm sin ann an Valladolid. Ann an 1976 thill e dhachaigh agus ghabh e bòidean na sagartachd.

Chaidh Mgr Dòmhnall air ais gu Sgoil Naomh Vincent airson bliadhna, an turas-sa na neach-teagaisg. Ghluais e dhan Òban bliadhna às dèidh sin far an do chuir e seachad ùine ann an cuideachd an Easbaig Cailean Mac a' Phearsain agus an Àrd-shagart Thomas Whynn. Bha Mgr Dòmhnall a' frithealadh paraistean Dhalabroig còmhla ri Mgr Niall agus Mgr Iain MacIlleathain agus paraiste a' Ghearastain còmhla ri Mgr Iain MacNèill. Thill e air ais dhan Spàinn airson sia bliadhna agus b' ann aig an àm sin a ghluais Colaiste na Sagartachd bho Valladolid gu Salamanca.

Ann an 1991 chaidh Mgr Dòmhnall a chuir a Bhàgh a' Chaisteil na shagart paraiste agus bha e a' frithealadh na sgìre sin gu 2001, a' bhliadhna a chomharraich e còig bliadhna fichead na shagart. Bhàsaich a mhàthair dìreach beagan làithean às dèidh dha an ceann-là sin a chomharrachadh agus i air an cothrom fhaighinn a bhith an làthair aig aifreann shònraichte a chaidh a chumail ann am Barraigh air a shon. Ghluais Mgr Dòmhnall dhan Òban ann an 2001 far an robh e stèidhichte aig Cathair Eaglais Naomh Chaluim Chille, chaidh a ghluasad an uairsin gu bhith os cionn paraiste Ceann a Deas Uibhist agus Èirisgeidh.

Bha ùidh mhòr aige ann a bhith leughadh agus a bhith leantainn cor na h-eaglaise air an eadar-lìon, agus bha ùidh mhòr aige ann an ceòl Gàidhealach. Cha robh e na iongnadh sam bith gun robh e gu mòr a sàs ann a bhith toirt taic is brosnachadh don Sgoil Chiùil Shamhraidh aig Ceòlas. Gach bliadhna bhiodh an sgoil chiùil a' tòiseachadh le aifreann Ghàidhlig ann an Eaglais Naomh Peadar ann an Dalabrog agus b' e Mgr Dòmhnall a bhiodh os cionn an aifreann.

Bhàsaich Mgr Dòmhnall san Lùnastal 2017 ann an Ospadal Uibhist is Bharraigh agus e air a bhith a’ fulang le aillse son grunn bhliadhnaichean.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Dèanamaid Adhradh

An Canan Dòmhnall MacAoidh

Genres

Brand

BBC Radio nan Gàidheal

About BBC Radio nan Gàidheal