Urdd, gobaith, beth?

Original version

BBC Radio Cymru

BBC Radio Cymru 2

Ail wasanaeth BBC Radio Cymru sy'n cynnig sioe frecwast bob bore'r wythnos.

Factual

BBC Radio Cymru - Urdd, gobaith, beth?

Yr awdur Mari Emlyn yn edrych yn ôl ar ganrif o waith dyngarol yr Urdd.

Yr awdur Mari Emlyn, wyres Syr Ifan ab Owen Edwards yn edrych yn ôl ar ganrif o waith dyngarol yr Urdd. Mari Emlyn looks back at the Urdd's humanitarian work.

A hithau’n ganmlwyddiant sefydlu Urdd Gobaith Cymru, mae’r awdur Mari Emlyn, wyres Syr Ifan ab Owen Edwards yn craffu ar yr enw, ‘Urdd Gobaith Cymru’ ac arwyddocâd y gair ‘gobaith’ mewn termau ymarferol.  
Mae Mari’n edrych ar sut y datblygodd yr elfen ddyngarol gref o fewn yr Urdd o gofio mai naws filitaraidd oedd i’r mudiad a gychwynnwyd gan ei thaid yn 1922. 
Nid Syr Ifan oedd yr unig un yn berwi â syniadau yn 1922. Dyma’r flwyddyn y sefydlodd y Parchedig Gwilym Davies ei neges Heddwch ac Ewyllys Da, ac er mai mudiad iaith yn ei hanfod oedd yr Urdd i ddechrau, cafodd Syr Ifan ei ddylanwadu’n drwm gan y Parch Gwilym Davies a’i neges o heddwch. Mae Mari’n edrych ar y dylanwad hwn ar ei thaid ac ar ddatblygiad yr Urdd o fod yn fudiad gwladgarol pur i fod yn un oedd, a sy'n parhau i goleddu egwyddorion dyngarol dwfn.
Yn fuan ar ôl yr Ail Ryfel Byd, croesawyd plant o’r Almaen i Gymru gan aelodau’r Urdd, a threfnodd y mudiad gronfa ariannol er mwyn danfon sawl ambiwlans i rai o wledydd Ewrop oedd wedi cael eu llethu ar derfyn y rhyfel.
Gwelwn waddol gwaith y degawdau blaenorol ar waith yr Urdd heddiw wrth i’r mudiad groesawu ffoaduriaid o Syria, Afghanistan ac o’r Wcráin  i’w gwersylloedd.
Urdd Gobaith Beth, felly? Ymunwch â Mari wrth iddi hi geisio ateb y cwestiwn hwn gan daflu goleuni ar daith a gwaith yr Urdd o’i ddyddiau militaraidd cynnar i’r presennol a’r mudiad erbyn hyn wedi datblygu’n fudiad sy’n estyn llaw i’w gyd-ddyn, pwy bynnag y bo.

Mae Radio Cymru wedi bod yn darlledu rhaglenni ers 1977. Radio Cymru has been broadcasting to the nation since 1977.

Accessibility links

Programme Index

Urdd, gobaith, beth?

Genres

BBC Radio Cymru

About BBC Radio Cymru