Dèanamaid Adhradh Tasglann

Original version

BBC Radio nan Gàidheal

Dèanamaid Adhradh

Religion & Ethics

Adhradh is seirbhisean-eaglaise. Acts of worship and church services

Adhradh is seirbhisean-eaglaise. Acts of worship and church services.

Dèanamaid Adhradh: An t-Urr Tormod MacSuain nach maireann, Àrd-eaglais Steòrnabhaigh

An t-Urr Tormod MacSuain nach maireann, Àrd-eaglais Steòrnabhaigh

BBC Radio nan Gàidheal - Dèanamaid Adhradh, An t-Urr Tormod MacSuain nach maireann, Àrd-eaglais Steòrnabhaigh

Còmhla ris an Urr Tormod MacSuain nach maireann, Àrd-eaglais Steòrnabhaigh ann an 1992.

Còmhla ris an Urr Tormod MacSuain nach maireann, Àrd-eaglais Steòrnabhaigh ann an 1992. Conducted by the late Rev Norman MacSween, recorded at Stornoway High Church in 1992.

Anns an t-seirbheis cluinnidh sibh na sailm is na leughaidhean a leanas:
Salm 65 : 1-2 air fonn Evan agus 's e Iain MacLeòid a tha os cionn na seinn.
Salm 103: 3-5 air fonn Stornoway agus 's e Dòmhnall M Fearghasdan a tha os cionn na seinn. Chaidh an t-seinn a chlàradh ann an Àrd-Eaglais Steòrnabhaigh.

Leughadh: Leabhar Gnìomharan nan Abstol 7:54-60 agus 8: 1-8
Ceann-teagaisg: Leabhar Gnìomharan nan Abstol 8: 5 

B' ann do dh'Eilean Sgalpaigh a bhuineadh an t-Urr Tormod MacSuain. Rugadh e anns a' Ghiblean 1920. Nuair a bha e deiseil anns an sgoil lean e ann an lorgan athar agus, mar iomadach Sgalpach eile, chaidh e a dh'iasgach, gnìomhachas a bha gu math soirbheachail aig an àm sin air an eilean.

Leig e seachad obair an iasgaich ann an Sgalpaigh agus chaidh e a-staigh airson na ministrealachd. Seach gun do dh'fhàg e an sgoil aig 14 bha obair aige ri dhèanamh airson teisteanas fhaighinn a leigeadh leis a dhol dhan cholaiste airson trèanadh. Le cuideachadh is taic bho mhaighstir-sgoile an eilein, tidsearan agus ministear an àite, fhuair e air e fhèin ullachadh airson a dhol gu Colaiste Skerry, far an d'fhuair e teisteanas a thug dhan oilthigh e.

Chaidh e a dh'Oilthigh Dhùn Èideann agus an uair sin gu Colaiste na Diadhachd airson trì bliadhna. 

Thoisich Mgr MacSuain na dhreuchd mar mhinistear ann an Eilean Bharraigh. Lean an càirdeas eadar e fhèin, agus a bhean Sophie, ri muinntir an àite airson ùine mhòr às dèidh dhaibh an t-eilean fhàgail, agus bha meas mòr aig muinntir Bharraigh air Mgr MacSuain.

Thairis air na bliadhnaichean a bha e a' searmonachadh chuir Mgr MacSuain seachad ùine ann an coitheanalan ann an Earra-Ghàidheal, sna Hearadh agus mu dheireadh ann a sgìre Cheann Loch ann a Leòdhas. Leig e seachad a dhreuchd às dèidh sin.

Ged a bha e air a dhreuchd mar ministear-paraiste a leigeil seachad, bha e air leth trang na sheaplain aig Ospadal Leòdhais agus air Ospadal nan Eilean airson iomadach bliadhna. Bha luchd-obrach is luchd-frithealaidh an ospadail measail air Mgr MacSuain airson an seòrsa duine a bh' ann agus an nàdar a bh' aige. Bha ùidh mhòr aig Mgr MacSuain cuideachd anns a' Ghàidhlig. 

Bha e pòsta aig Sophie agus bha triùir theaghlach aca - nighean agus dithis ghillean. Bhàsaich Mgr MacSuain anns a' Chèitean 2008 agus bhàsaich a bhean Sophie anns a' Mhàirt 2015.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Dèanamaid Adhradh

An t-Urr Tormod MacSuain nach maireann, Àrd-eaglais Steòrnabhaigh

Genres

Brand

BBC Radio nan Gàidheal

About BBC Radio nan Gàidheal