Dèanamaid Adhradh Tasglann

Original version

BBC Radio nan Gàidheal

Dèanamaid Adhradh

Religion & Ethics

Adhradh is seirbhisean-eaglaise. Acts of worship and church services

Adhradh is seirbhisean-eaglaise. Acts of worship and church services.

Dèanamaid Adhradh: An t-Urr Calum MacLeòid

An t-Urr Calum MacLeòid

BBC Radio nan Gàidheal - Dèanamaid Adhradh, An t-Urr Calum MacLeòid

Seirbheis  còmhla ris an Urr Calum MacLeòid, (nach maireann) bho Eaglais na h-Alba, 1990.

Seirbheis còmhla ris an Urr Calum MacLeòid, (nach maireann)  Eaglais na h-Alba, Cill Mhearnaig 1990.  Gaelic archive service from 1990 conducted by the late Rev Calum MacLeod.

Anns an t-seirbheis cluinnidh sibh na sailm agus an  leughadh a leanas:

Salm 89: 8-9 air fonn Bangor agus 's e Iain MacPhilip a tha os cionn na seinn le taic bho choitheanal Eaglais na h-Alba ann am Bearnaraigh.

Salm 107: 1-2 air fonn Kilmarnock agus 's e Dòmhnall Iain MacIllinnein a tha os cionn na seinn  le taic bho choitheanal Eaglais na h-Alba ann an Loch na Madadh.

Leughadh:						Genesis 45: 1-15
Ceann-teagaisg:					Genesis 45: 5



B’ ann do dh' Eilean Bheàrnaraigh a bhuineadh an t-Urramach Calum MacLeòid. Rugadh e ann an 1953, mac do Dhonnchadh MacLeòid agus Seònaid, no Seasaidh, NicPhilip. Chaidh e dhan sgoil air an eilean agus nuair a thàinig an t-àm dha a’ dhol dhan àrd-sgoil, chaidh e chun an Tairbeirt agus an uair sin a sgoil Phort Rìgh. Bha cothrom aige Inbhir Nis no Port Rìgh a thaghadh, ach cho-dhùin a phàrantan gun cuireadh iad a Phort Rìgh e, oir bha tè de na càirdean aige air an t-siathamh bliadhna san sgoil ann an sin.

Nuair a bha e deiseil san àrd-sgoil chaidh Mgr MacLeòid a dh' Oilthigh Shruighlea agus a Dhùn Èideann. Nuair a bha e òg, bha buaidh aig teagasg luchd-eaglais air, ach tha e ag ràdh gur e an duine bu mhotha a thug buaidh air na bheatha spioradail maighstir-sgoile, Forrest Moffat,  a bh' ann an Sgoil Phort Rìgh aig an àm agus a bha cuideachd os cionn an ostail. B' e an dòigh labhairt aige, a chaithe-beatha, agus mar a bhiodh iad a' gabhail an ùrnaigh gach madainn agus feasgar a thug buaidh air. B' e duine laghach a bh' ann, agus mhìnicheadh e nithean spioradail ann an dòigh shìmplidh, thuigseach do dhaoine òga mar a bha Calum aig an àm.

An dèidh dreuchd na ministrealachd a thoirt a-mach, chuir Mgr MacLeòid a' chiad bhliadhna seachad ann an Eaglais Chadder ann an Drochaid an Easbaig agus chaidh e an uair sin na iar-mhinistear gu Cathair-eaglais Naomh Machar ann an Obar Dheathain airson còig bliadhna. Ghluais e an uair sin gu Obar Bhrothaig far an robh e airson còig bliadhna eile. Bha e an uairsin na mhinistear airson ochd bliadhna deug ann an Eaglais Howard St Andrews ann an Cille Mheàrnaig agus chaidh e às a sin gu Eaglais Paraiste Chathair Dòmhnaill ann an Glaschu.  Ann an 2017 ghluais e os cionn coitheanal Sean Pharaiste Rutherglen gus an do leig e dheth a dhreuchd ann an 2018 air sgàth trioblaidean slàinte. 

Bha Mgr MacLeòid pòsta aig Ada. 'S ann à sgìre Haddington fàisg air Dùn Èideann a bha i, agus phòs iad ann an 1982.  Bha triùir theaghlach aca: Beth-Joy, Duncan James agus John. Fhuair Ada i fhèin cead-searmonachaidh ann an 1984. Bha i an tòiseach a’ searmonachadh  ann an coitheanalan thall sa bhos, nam measg na ministear-cuideachaidh aig Abaid Phàislig  agus Cathair-Eaglais Ghlaschu.  Chaidh a pòsadh ri coitheanal Eaglais Paraiste Toryglen ann an  2015 agus ghluais i an uairsin gu Eaglais Hurlford ann an taobh an Ear Siorrachd Àir ann an 2018.  Bhasaich Ada ann an 2020.

Bhiodh  Mgr MacLeòid a' tilleadh a Bheàrnaraigh gu math tric oir bha càirdean aige fhathast air an eilean. Nuair a gheibheadh e ùine dha fhèin bha ùidh mhor,  mhòr aige ann an coimpiutairean, gu h-àraid ann a bhith a' sgrìobhadh agus a' cruthachadh phrògraman-coimpiutair. Cheannaich e a' chiad coimpiutair ann an 1979, Sharpe MZ 80K, agus bha ùidh mhòr air a bhith aige a-riamh ann an teicneòlas. Bha e cuideachd na  neach-cathrach a bha a' coimhead an dèidh cùisean conaltraidh aig Clèir Ghlaschu.

Bha sinn duilich an naidheachd a chluinntinn gun do bhàsaich an t-Urramach Calum MacLeòid Disathairne sa chaidh. Thèid a thiodhlacadh ann an Eilean Bheàrnaraigh.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Dèanamaid Adhradh

An t-Urr Calum MacLeòid

Genres

Brand

BBC Radio nan Gàidheal

About BBC Radio nan Gàidheal