Dèanamaid Adhradh Tasglann

Original version

BBC Radio nan Gàidheal

Dèanamaid Adhradh

Religion & Ethics

Adhradh is seirbhisean-eaglaise. Acts of worship and church services

Adhradh is seirbhisean-eaglaise. Acts of worship and church services.

Dèanamaid Adhradh: An t-Urr Aonghas MacLeòid, Eaglais Shaor an Rubha

An t-Urr Aonghas MacLeòid, Eaglais Shaor an Rubha

BBC Radio nan Gàidheal - Dèanamaid Adhradh, An t-Urr Aonghas MacLeòid, Eaglais Shaor an Rubha

Seirbheis à tasglann a’ BhBC còmhla ris an Urr Aonghas MacLeòid nach maireann bho 1994

Seirbheis à tasglann a’ BhBC còmhla ris an Urr Aonghas MacLeòid nach maireann bho 1994.  Gaelic archive service with the late Rev Angus MacLeod from 1994.

Anns an t-seirbheis cluinnidh sibh na sailm agus an leughadh a leanas:

Salm 78: 52-54 air fonn Evan agus ‘s e Dòmhnall Iain MacCoinnich a tha os cionn na seinn agus Salm 23: 3-4 air fonn Bedford agus ‘s e Dòmhnall Crichton a tha os cionn na seinn, a chaidh a chlàradh ann an Eaglais Shaor an Rùbha.

Leughadh:                 Eòin 10:  11-31
Ceann-teagaisg         Salm 23:1

Rugadh an t-Urramach Aonghas MacLeòid ann an Steòrnabhagh ann an 1948. Chaidh oideachadh ann an Sgoil Lionail ann an Nis. Às dèidh dha an sgoil fhàgail chaidh e gu Sgoil Àiteachais Baile MhicCara airson dà bhliadhna agus fhuair e obair air tuathanas ann an Ceann a' Ghiuthsaich às dèidh sin. Thàinig atharrachadh na bheatha nuair a bha e fhathast ann an Ceann a' Ghiuthsaich agus thòisich e air beatha Chrìosdail a leantainn.
Chaidh e a dh'obair a Ghlaschu an uair sin far an robh e sàs ann an obair àrachais. Thill Mgr MacLeòid air ais dhan cholaiste agus dhan oilthigh ann an 1973. Chaidh e an toiseach gu Colaiste Langside agus an uair sin gu Oilthigh Ghlaschu oir bha e a-nise airson dreuchd na ministrealachd a thoirt a-mach. Chrìochnaich e a chuid foghlam ann an Colaiste na h-Eaglaise Saoire eadar 1976 agus 1979.
Choinnich Mgr MacLeoid ri bhean, Ellen, nuair a bha e ann an Glaschu agus phòs iad san Iuchar 1975 - bha dithis chloinne aca, nighean agus gille.
Chaidh Mgr MacLeòid a phòsadh ri coitheanal Eaglais Shaor Gheàrrloich anns an Lùnastal 1979 agus dh'fhuirich e ann airson còrr air dusan bliadhna. Chuir coitheanal an Rubha fios thuige aig deireadh 1991 agus chaidh a phòsadh ris a' choitheanal aig toiseach 1992. Bha e os cionn coitheanal an Rubha gu deireadh 2006 nuair a leig e dheth a dhreuchd air sgàth trioblaidean slàinte. Bhàsaich Mgr MacLeòid sa Mhàrt 2010 agus bhàsaich a bhean, Ellen, anns an Fhaoilleach 2011.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Dèanamaid Adhradh

An t-Urr Aonghas MacLeòid, Eaglais Shaor an Rubha

Genres

Brand

BBC Radio nan Gàidheal

About BBC Radio nan Gàidheal