Dèanamaid Adhradh

Original version

BBC Radio nan Gàidheal

Religion & Ethics

Adhradh is seirbhisean-eaglaise. Acts of worship and church services

Adhradh is seirbhisean-eaglaise. Acts of worship and church services.

Dèanamaid Adhradh: An t-Urr Coinneach Fearghasdan

An t-Urr Coinneach Fearghasdan

BBC Radio nan Gàidheal - Dèanamaid Adhradh, An t-Urr Coinneach Fearghasdan

Seirbheis Ghàidhig còmhla ris an Urr Coinneach Fearghasdan bhon Eaglais Shaor.

Seirbheis còmhla ris an Urr Coinneach Fearghasdan a bha na mhinistear air Eaglais Shaor Chrois. Gaelic service with Rev Kenneth Ferguson retired minister Cross Free Church.

Anns an t-seirbheis cluinnidh sibh na sailm agus an leughadh a leanas:

Salm 139: 1-3 air fonn Walsall agus ‘s e Dòmhnall Chapman a tha os cionn na seinn le taic bho choitheanal Eaglais Shaor Chrosboist.

Salm 85: 7-8 air fonn Bangor agus ‘s e Coinneach MacLeòid a tha os cionn na seinn le taic bho choitheanal Seamanaraidh na h-Eaglaise Saoire ann an Steòrnabhagh.

Salm 65: 4-5 air fonn St David agus ‘s e an t-Urr Seumas Dòmhnallach a tha os cionn na seinn le taic bho choitheanal Eaglais na h-Alba ann an Garrabost

Leughadh:                  Leabhar an Taisbeanaidh 2: 1-7
Ceann-teagaisg:          Leabhar an Taisbeanaidh 2: 1-7

Rugadh an t-Urr Coinneach Fearghasdan air a' Bhac ann an Leòdhas ann an 1946. Chaidh e a sgoil a' Bhac agus gu Colaiste a' Chaisteil ann an Leòdhas far an robh ùidh mhòr aige ann a bhith ag obair le aodach. Lean e air adhart le obair rannsachaidh air a' chuspair sin ann an Colaiste Theicnigeach ann an Dewsbury. Thill e air ais a Leòdhas ann an 1965 far an do chuir e seachad sia bliadhn' deug ag obair ann an gnìomhachas a' chlò mhòir.
Thàinig atharrachadh ann am beatha Mhgr Fearghasdan ann an 1970. Bha ùidh mhòr aige anns na searmoin aig an Urr Murchadh MacAmhlaigh, a bha na mhinistear aig an àm sin air a' Bhac.
Chaidh Mgr Fearghasdan air ais dhan oilthigh grunn bhliadhnaichean às dèidh sin agus fhuair e teisteanas BA ann am Beurla agus Eachdraidh. Às dèidh sin, chaidh e gu Colaiste na h-Eaglaise Saoire ann an Dùn Èideann.
Chaidh a phòsadh ri coitheanal Eaglais Shaor Chrosboist ann an 1984. Tha Mgr Fearghasdan air a mhinistrealachd air fad a chuir seachad ann an Leòdhas. Às dèidh sia bliadhna deug air na Lochan ghluais e an uair sin gu Nis, far an robh e na mhinistear air coitheanal Eaglais Shaor Chrois gus an do leig e dheth a dhreuchd.
Tha Mgr Fearghasdan air a bhith an sàs ann am iomadach comataidh thar nam bliadhnaichean, nam measg, na chathraiche air a' Chomataidh Stiùiridh aig Ionad-Cùraim Bethesda ann an Steòrnabhagh.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Dèanamaid Adhradh

An t-Urr Coinneach Fearghasdan

Genres

Brand

BBC Radio nan Gàidheal

About BBC Radio nan Gàidheal