Ailig aig na Euros

Original version

BBC Radio nan Gàidheal

Discussion & Talk

Sport: Football

Ailig aig na Euros: Ailig O'Henley: Aig Farpais Euro 2020

Ailig O'Henley aig Wembley

Ailig O'Henley: Aig Farpais Euro 2020

BBC Radio nan Gàidheal - Ailig aig na Euros, Ailig O'Henley: Aig Farpais Euro 2020Search BBC

Beatha Ailig O'Henley; aig na caoraich 's aig na Euros!

Beatha Ailig O'Henley; a' trusadh chaorach 's a' trusadh chluicheadairean ball-coise. Herding sheep and herding footballers, both feature heavily in Alex O'Henley's life.

Tha sinn cleachdte gu leòr air radio agus telebhisean a bhith a’ cluinntinn agus a’ faicinn an neach-aithris spòrs Ailig O’Henley, neach-naidheachd Albannach aig UEFA agus neach-aithris aig BBC Alba agus BBC Radio nan Gàidheal agus gun dad fa-near dha ach ball-coise. Tha iomadach bliadhna bhon a ghabh Ailig ùidh ann am ball-coise. Na bhalachan òg aig toiseach na 70an bhiodh e fhèin sa charaidean tric rim faicinn a’ frithealadh gheamannan ball-coise aig Cairiseabhal, faisg air a dhachaigh ann an Uibhist a Deas, agus iad a’ leantainn sgioba a Chinn a Deas. Cha b’ fhada gus an robh e fhèin na bhall dhen dearbh sgioba agus e na dheugaire ann an Sgoil Dhalabroig. Leis na sgilean a bh’ aige air a phàirce fhuair e cothroman cluiche ann an sgiobaidhean ann an Uibhist, Leòdhas, Inbhir Nis agus Glaschu agus theab e aig aon àm a’ dhol a chluiche aig ìre phroifeasanta.

Thuige seo tha sinn air cluinntinn mu na comasan agus na sgilean a th’ aig, neo a bh’ aig, Ailig O’Henley air pàirce a’ bhuill-coise ach tha e a cheart cho innealachdach ag aithris air an spòrs 's a tha e air a bhith ga chluich agus e air a bhith ris an obair seo airson còrr air deich bliadhna fichead. Cluinnidh sinn mar a thòisich e ag aithris air cuspairean spòrs mar neach-naidheachd aig Radio nan Gàidheal suas chun a’ chothrom a fhuair e a dhol a dh’obair mar neach-naidheachd Albannach aig UEFA.com.

Tha Ailig air a bhith ag obair mar neach-naidheachd Albannach aig UEFA.com bho 2003 agus ged a tha e air a bhith an  làthair aig farpaisean Euros roimhe seo, bha farpais Euro 2020  gu bhith sònraichte le  Alba mar phàirt den cho-fharpais. Mas do dh’fhalbh e bha draghan ann a thaobh riaghailtean cobhid ach le bhith cumail ri astrachadh sòisealta agus a’ dèanamh dheuchainnean bha e an dòchas nach cuireadh seo cus bacadh air an obair aige .
‘S e turas air leth trang a bha aige thairis air na seachdainean a bha e a’ leantainn sgioba na h-Alba,  bho bhith a' trusadh chluicheadairean airson agallamhan, a’ faighinn an fhiosrachaidh as ùire agus mionaideach mu na cluicheadairean agus a’ cumail cluais ri claisneachd a’ faighinn a-mach beachdan luchd taic, luchd naidheachd is eile.
Cha robh mionaid aige fhèin is  luchd-naidheachd eile a’ cumail sùil agus a’ toirt fiosrachadh don làrach-lìn UEFA.com. Thairis air farpais Euro 2020 chaidh sealltainn ris an làrach sin 3.7 billean turas.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Ailig aig na Euros

Ailig O'Henley: Aig Farpais Euro 2020

Genres

Brand

BBC Radio nan Gàidheal

About BBC Radio nan Gàidheal