An Leòmhann an Tìr nan Òg

Original version

BBC Radio nan Gàidheal

Factual: Arts, Culture & the Media

Màiri Anna NicUalraig

BBC Radio nan Gàidheal - An Leòmhann an Tìr nan ÒgSearch BBC

Màiri Anna NicUalraig le ceangal Ceilteach An Leòmhann, A’ Bhuidseach ’s am Preas-Aodaich.

Màiri Anna NicUalraig le ceangal Ceilteach An Leòmhann, A’ Bhuidseach ’s am Preas-Aodaich. Mary Ann Kennedy explores the Celtic connections of The Lion, The Witch and The Wardrobe.

Air tilleadh anns a’ Ghlasadh-sluaigh do leabhar a bha dlùth dha cridhe na h-òige, rinn an sgrìobhaiche ciùil is bàrdachd Màiri Anna NicUalraig eadar-theangachadh den chlasaig chloinne, ‘An Leòmhann, A’ Bhuidseach agus Am Preas-Aodaich’, ag obair le a màthair aig astar air tionndadh Gàidhlig dhen sgeulachd ainmeil a tha 70 bliadhna foillsichte ann an 2020. Ann an saoghal àraid de dh’fhèin-aonranachd, galair, call is mi-chinnt, bha Màiri Anna air a tarraing air ais do bheatha an ùghdair, CS Lewis, le tuigse às ùr air eachdraidh Èireannaich gu chùl, a chaill a mhàthair glè òg agus a chaidh a thogail le uirsgeulan mìorbhaileach na Fèinne, a tha cuideachd mar bhunaid cuid de dh’òrain mòra Gàidhlig na h-Alba leis an deach a togail.
Tha ‘An Leòmhann an Tìr nan Òg’ gar toirt a-steach a shaoghal eile air falbh bho chruadalachd a’ bheatha làitheil, dìreach mar a rinn leabhraichean Narnia do chlann òga a bha air an glacadh anns an Dàrna Cogadh nuair a dh’fhoillsicheadh an toiseach iad, agus do Lewis a bha a’ sìor choimhead air ais a dh’Èirinn agus òige fhèin. Ged a bha ainm aige mar sgrìobhaiche Sasannach le oideachadh sgoile is oilthighe Shasannaich dha-rèir, b’ e Èireannach a bha ann gu là a bhàis – a thogadh ann an dùthaich fhathast aonaichte, air a chuartachadh le tìr is ìomhaighean a nochd uair is uair anns na h-uirsgeulan aige fhèin, agus a chuala sgeulachdan mòra nan Ceilteach bho bhilean a bhanaltraim am Beul Feirst’. Is beag an t-ioghnadh ged a bhiodh Èirinn agus na ciad bliadhnaichean dhe bheatha a’ comharrachadh cofhurtachd, comraich is càirdeas dhà. 
70 bliadhna air adhart agus tha uirsgeulan Narnia a’ frithealadh ghinealaichean ùra de dh’inbhich is òigridh a’ sireadh coibhneis is cinnt ann an saoghal chaochlaideach. Leanaidh ‘An Leòmhann an Tìr nan Òg’ eachdraidh an sgrìobhaiche agus nan leabhar; mar a tha sgeulachdan nam meadhan air tuigse is smachd fhaighinn air cuspairean mòra an t-saoghail; agus mar a tha macmeanmna comasach air faochadh is leigheas a thoirt do dh’anam sàraichte. Bheir Màiri Anna cuideachd sùil air na ceangalan le sgeulachdan na Fèinne, air na h-òrain a dh’ionnsaich ise bhon eachdraidh seo, agus air a’ bhuaidh a bha aig an dualchas seo air sgrìobhadh Lewis. 
Tha ‘An Leòmhann’ air a lìbhrigeadh le Màiri Anna NicUalraig, le ceòl ùr-nodha cruthaichte le Màiri Anna agus Nick Turner a dh’aona ghnothaich dhan phrògram, agus le compàirteachas bhon sgrìobhaiche is diadhair Èireannach, Pádraig Ó Tuama, am measg eile. 
Tha ‘An Leòmhann an Tìr nan Òg’ air a dhèanamh le Watercolour Music às leth BBC Radio nan Gàidheal, le taic maoineachaidh bho MG ALBA.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

An Leòmhann an Tìr nan Òg

Genres

BBC Radio nan Gàidheal

About BBC Radio nan Gàidheal