Dèanamaid Adhradh Tasglann

Original version

BBC Radio nan Gàidheal

Dèanamaid Adhradh

Religion & Ethics

Adhradh is seirbhisean-eaglaise. Acts of worship and church services

Adhradh is seirbhisean-eaglaise. Acts of worship and church services.

Dèanamaid Adhradh: An t-Urr Eachann Moireasdan bho 1989

An t-Urr Eachann Moireasdan bho 1989

BBC Radio nan Gàidheal - Dèanamaid Adhradh, An t-Urr Eachann Moireasdan bho 1989

Seirbheis à tasglann a' BhBC còmhla ris an Urr Eachann Moireasdan, Eaglais na h-Alba 1998.

Seirbheis à tasglann a' BhBC còmhla ris an Urr Eachann Moireasdan bho Eaglais na h-Alba 1998. An archive service from 1998 with Rev Hector Morrison, Church of Scotland.

Anns an t-seirbheis cluinnidh sibh na sailm agus leughadh a leanas:
Salm 145: 1-2 agus 's e Fionnlagh MacRisnidh a tha os cionn na seinn le taic bho choitheanal Eaglais Shaor Crow Road.
Salm 102: 25-27 air fonn Free Church agus 's e Alasdair Greumach a tha os cionn na seinn le taic bho choitheanal Seamanaraidh na h-Eaglaise Saoire ann an Steòrnabhagh.
Salm 72: 17-18 air fonn Montrose agus 's e Coinneach A MacAoidh a tha os cionn na seinn le taic bho choithional Eaglais na h-Alba, Ùige, Leòdhas

Leughadh: Genesis 2: 7-18
Ceann-teagaisg: Genesis 2: 7 & 15


Rugadh Eachann Moireasdan ann an 1955 ann an Steòrnabhagh. 'S ann à Grabhair a bha a phàrantan - bha athair na bhreabadair agus 's e banaltram a bha na mhàthair. Bha ceathrar bhalach anns an teaghlach aige agus b' esan an dàrna duine bu shine.

Chaidh Mgr Moireasdan a Sgoil MhicNeacail mus do ghluais e a Ghlaschu dhan oilthigh ann an 1973. Cheumnaich e ann an 1976 agus mar phàirt den trèanadh aige airson na ministrealachd cheumnaich e a-rithist ann an 1980.

Phòs Mgr Moireasdan agus a bhean, Annice NicIllFhinnein, ann an 1981. Chaidh Mgr Moireasdan a phòsadh ris a' chiad choitheanal aige san Dùbhlachd 1981. Chuir e seachd naoi bliadhna na mhinistear air coitheanal Bharabhais agus rugadh dithis mhic dhaibh aig an àm sin, Neil agus Ruaraidh. Dh'ionnsaich Mgr Moireasdan a' Ghàidhlig nuair a bha e ann am Barabhas agus thòisich e air searmonachadh sa chànan.

Ann an 1990 ghluais iad a Loch Aillse - b' e a' chiad ministear a bha air a' choitheanal sin. Rugadh an treas leanabh nuair a bha iad ann an Loch Aillse agus 's e Cailean a thug iad air. Cho fad 's a bha Mgr Moireasdan na mhinistear aig Eaglais na h-Alba, bha e na bhall air iomadach comataidh. Ghluais iad à Loch Aillse ann an 1994 nuair a thòisich e fhèin agus feadhainn eile a' cur air chois Ionad Diadhachd na Gàidhealtachd.

'S e Maighstir Moireasdan, cuide ris an Ollamh Anndra McGowan, a bha gu mòr air cùlaibh Ionad Diadhachd na Gàidhealtachd, a chaidh a stèidheachadh ri taobh Colaiste Mhoireibh, a chur air chois. Bha an t-ionad mar phàirt de dh'ionadan is colaistean a bha air an stèidheachadh fo bhratach Oilthigh na Gàidhealtachd.

Thòisich iad ann an ionad beag ann an 1994 ri taobh Colaiste Mhoireibh agus chaidh àite nas motha a thoirt dhaibh aig a' cholaiste ann an ùine gu math goirid. Aig toiseach 1999, ghluais iad gu ionad gu math nas motha ann an Inbhir Pheofharain, far a bheil iad a-nise neo-eisimeileach bho Cholaiste Mhoireibh agus an togalach fhèin aca. Dh'atharraich iad an t-ainm gu Colaiste Diadhachd na Gàidhealtachd.

Ghabh Mgr Moireasdan thairis obair Prionnsapal na Colaiste ann an 2009.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Dèanamaid Adhradh

An t-Urr Eachann Moireasdan bho 1989

Genres

Brand

BBC Radio nan Gàidheal

About BBC Radio nan Gàidheal