Sruth an Eòlais

Original version

BBC Radio nan Gàidheal

Factual

Sruth an Eòlais 1

Sreath a' comharrachadh 70 bliadhna de Sgoil Eòlais na h-Alba, 1951-2021.

Sreath a' comharrachadh 70 bliadhna de Sgoil Eòlais na h-Alba, 1951-2021. Series marking 70 years of the School of Scottish Studies, 1951-2021.

Sruth an Eòlais: Miùghalaigh is Bhatarsaigh

Miùghalaigh is Bhatarsaigh

BBC Radio nan Gàidheal - Sruth an Eòlais, Miùghalaigh is BhatarsaighSearch BBC

Seanchas 's òrain à eileanan Mhiùghalaigh is Bhatarsaigh còmhla ri Lisa Storey.

Seanchas 's òrain à eileanan Mhiùghalaigh is Bhatarsaigh còmhla ri Lisa Storey.  A selection of stories and song from the islands of Mingulay and Vatersay from Lisa Storey.

Tha sinn a' comharrachadh gu bheil 70 bliadhna bho chaidh Sgoil Eòlais na h-Alba a stèidheachadh aig Oilthigh Dhùn Èideann air a' bhliadhna seo. Tron bhliadhna, cluinnidh sinn taghaidhean de chuid de na chaidh a thogail le luchd-cruinneachaidh na Sgoile, a' mhòr-chuid dheth sna 50an agus na 60an, bho dhaoine a bh' air am bogadh ann an dualchas agus beul-aithris na Gàidhlig. Chaidh an t-sreath sa a chraoladh an toiseach nuair a bha an Sgoil a' comharrachadh 50 bliadhna ann an 2001.

'S ann à Eilean Bhatarsaigh a tha Lisa Storey ach 's ann à Miùghalaigh a bha a h-athair agus 's ann air an eilean sin a tha a h-aire a seo. Dh'fhàg muinntir an eilein Miùghalaigh eadar 1907 agus 1912 's ghluais iad a Bhatarsaigh, a' toirt an eachdraidh leotha, agus ghabh Lisa an cothrom cuid dhiubh a chlàradh nuair a bha i ag obair aig Sgoil Eòlais na h-Alba.  

Bheir i thugainn còmhraidhean a bh' aice le Mìchael Dhòmhnaill, Mìchael Macleòid agus Eòin Dhòmhnaill, Eòin Macleòid air na dòighean innleachdach a bh'aca air eòin-mhara, neo peataichean mar a bh' ac' orra am Miùghalaigh,  a ghlacadh sna creagan àirde san eilean agus mar a bhiodh iad a' glacadh iasg gun a dhol gu muir idir. 

Gheibh sinn criomag de sgeulachd iongantach Fear na h-Eabaid aig Nìl Mhìchael Nìll mar a dh'innis e i do Dhòmhnall Eàirdsidh Dòmhnallach agus aon de na còig cheud òran a chlàr Seumas Ros bho Nan NicFhionghuin, Nan Eachainn Fhionnlaigh. 

Gheibh sinn iomradh air sgeulachd annasach bho Cheit Mhìcheil Fhionnlaigh mu bhàta a thàinig a-steach a Bhàgh a' Chaisteil ri linn droch shìde agus tha an t-òran tiamhaidh 'Latha a dh'fhalbh mi leis an Dròbh' aig Ealasaid Iain Dhonnchaidh. Agus cluinnidh sinn mun annas mhòr a bh' anns a' chiad ghramafon a thàinig dhan eilean  bho Mhàiri Chaimbeul, Màiri Aonghais Nìll Bhig.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Sruth an Eòlais

Miùghalaigh is Bhatarsaigh

Genres

Brand

BBC Radio nan Gàidheal

About BBC Radio nan Gàidheal