Dèanamaid Adhradh

Original version

BBC Radio nan Gàidheal

Religion & Ethics

Adhradh is seirbhisean-eaglaise. Acts of worship and church services

Adhradh is seirbhisean-eaglaise. Acts of worship and church services.

Dèanamaid Adhradh: An t-Urr Donnchadh MacLeòid, Eaglais Shaor Dhòrnaich

An t-Urr Donnchadh MacLeòid, Eaglais Shaor Dhòrnaich

BBC Radio nan Gàidheal - Dèanamaid Adhradh, An t-Urr Donnchadh MacLeòid, Eaglais Shaor Dhòrnaich

Seirbheis còmhla ris an Urr Donnchadh MacLeòid, Eaglais Shaor Dhòrnaich.

Seirbheis còmhla ris an Urr Donnchadh MacLeòid, Eaglais Shaor Dhòrnaich. Gaelic service with Rev Duncan MacLeod, minister Dornoch Free Church.

Anns an t-seirbheis cluinnidh sibh na sailm agus an leughadh a leanas:

Salm 103:  1-2 air fonn Dundee agus ‘s e an t-Urramach Niall Seathach a tha os cionn na seinn le taic bho choitheanalan Eaglaisean Leòdhais agus na Hearadh.

Salm 89:  15-16 air fonn Kilmarnock agus ‘s e Aonghas Dòmhnallach a tha os cionn na seinn le taic bho choitheanal Eaglais Shaor a’ Bhac.

Salm 45:  10-11 air fonn Torwood agus ‘s e Dòmhnall Tormod Mac a’ Ghobhainn a tha os cionn na seinn le taic bho choitheanal Eaglais na h-Alba ann am Barabhas.

Leughadh:  Soisgeul Lùcais 14:  16-24
Ceann-teagaisg:  SoisgeulLùcais 14:  18


Rugadh an t-Urr Donnchadh MacLeòid ann an Càrlabhagh ann an 1954. Chaidh oideachadh ann am Bun-sgoil Chàrlabhaigh, ann an Sgoil MhicNeacail agus ann an Oilthigh Obar Dheathain mus deach e a-steach airson na ministrealachd.

Na òige ann an Càrlabhagh, 's e glè bheag de Bheurla a bh' aige. Ri chuimhne fhèin, 's e na ciad fhacail Bheurla a thuirt e nuair a bha e anns an sgoil, "Please Miss, may I leave the room?"

Bha, agus tha, ùidh mhòr aig Donnchadh anns a' chànan agus anns a' chultar agus 's e obair neach-teagaisg Gàidhlig a' chiad obair a bh' aige às dèidh ceumnachadh à Oilthigh Obar Dheathain. Bha e a' teagasg airson ùine an Uibhist ann an sgoiltean Dhalabroig agus Phaibeil. Chaidh Donnchadh air ais dhan cholaiste ann an 1980 - an turas seo gu Colaiste na h-Eaglaise Saoire airson dreuchd ministeir a thoirt a-mach.

Chaidh a phòsadh ris a' chiad choitheanal aige ann an 1983 ann am Bun Ilidh agus bha e an sin gu 1996 nuair a chaidh a phòsadh ri coitheanal Eaglais Shaor Pheairt, far an robh e airson mu chòig bliadhna deug. Ann an 2011 chaidh Mgr MacLeòid a phòsadh ri coitheanal Eaglais Shaor Dhòrnaich. Bha e cuideachd airson deich bliadhna na fhear-deasachaidh air Colbh Ghàidhlig iris mhìosail na h-eaglaise, The Monthly Record.

Tha ùidh mhòr mhòr aige ann am ball-coise agus gu sònraichte ann an sgioba ball-coise Partick Thistle. Tha e pòsta aig Mòrag à Sgalpaigh agus tha triùir a theaghlach aca.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Dèanamaid Adhradh

An t-Urr Donnchadh MacLeòid, Eaglais Shaor Dhòrnaich

Genres

Brand

BBC Radio nan Gàidheal

About BBC Radio nan Gàidheal