Ail wasanaeth BBC Radio Cymru sy'n cynnig sioe frecwast bob bore'r wythnos.

BBC Radio Cymru 2

Ail wasanaeth BBC Radio Cymru sy'n cynnig sioe frecwast bob bore'r wythnos.


Cofio

Factual: Arts, Culture & the Media

Archif, atgof a chân yng nghwmni John Hardy.

Archif, atgof a chân yng nghwmni John Hardy. A visit to the Radio Cymru archive with John Hardy.

Cofio: Lliwiau

29/08/2021

Lliwiau

BBC Radio Cymru - Cofio, Lliwiau

Archif, atgof a chân yng nghwmni John Hardy, a heddiw lliwiau yw'r thema.

Yr Ynys Werdd, Y Trwynau Coch a Llyfr Melyn Oerddwr sydd ymhlith yr hyn dan sylw wrth i John Hardy drafod lliwiau. A visit to the Radio Cymru archive with John Hardy.

Pa un yw eich hoff liw?  Achos dyma daith o gwmpas yr archif ar y thema lliwiau, yng nghwmni John Hardy.  

Coch yw'r lliw cynta’ sy' o dan y lach wrth i fechgyn Cwm Tawe, Y Trwynau Coch, hel atgofion am ddyddiau cynnar y grŵp yn niwedd y 70au.

Mae'r cerddor a'r pianydd dawnus Siwan Rhys yn sôn am Synesthesia - mae Siwan yn gweld y nodau fel lliwiau ac, o'r herwydd, mae’n haws iddi gofio darnau cymhleth ar y piano.   Ac fe arhoswn ym myd yr allweddellau du a gwyn a threulio orig fach yng nghwmni'r cyfeilydd Maimie Noel Jones.  

Lliwio'r gwallt ai peidio?  Dyna a ofynnwyd i drigolion Caerfyrddin,  cyn i T. Glynne Davies holi Elwyn "Mwnci" Hughes a'i wraig am liwio gwallt.

Roedd lliw logo Plaid Cymru ar y dechrau yn wyrdd ond ers 2006 mae’n felyn. Gwynfor Evans, Llywydd Plaid Cymru Blaid am 36 mlynedd, sy’n sôn am ei hanes cynnar yn y Barri a mynd ati i ddysgu’r Gymraeg yn yr Ysgol Uwchradd.   Cyn troi ein sylw at ein cefndryd Celtaidd - i'r Ynys Werdd a Dr Harri Pritchard-Jones yn esbonio ei hoffter o'r wlad.

I fyd natur nesa’: mae Twm Elias yn trafod pwysigrwydd lliwiau ym myd y pryfetach a'r nadroedd, a’r opthamolegydd anifeiliaid Rose Linn-Pearl yn esbonio sut mae anifeiliaid yn gweld yn wahanol i bobol, cyn gorffen efo Medwyn Williams yn sôn am flodau pinc.  

Mae Elizabeth Hughes yn sôn am greiriau teuluol y bardd Goronwy Owen, sydd yn y Dafarn Goch, Ynys Môn.  Dr Bleddyn Owen Huws yn sôn am Lyfr Melyn Oerddwr, cyfrol deuluol yn cofnodi hanesion a digwyddiadau adeg y Rhyfel Mawr ac sy’n cynnwys cerddi gan Syr TH Parry Williams.  

A’r lliw piws sy'n glo i’r rhaglen – yng nghwmni Dewi "Pws" Morris a'r Tebot Piws!

BBC Radio Cymru

Mae Radio Cymru wedi bod yn darlledu rhaglenni ers 1977. Radio Cymru has been broadcasting to the nation since 1977.

Accessibility links

Programme Index

Cofio

Lliwiau

Genres

Brand

BBC Radio Cymru 2

About BBC Radio Cymru 2