Sruth an Eòlais

Original version

BBC Radio nan Gàidheal

Factual

Sruth an Eòlais 1

Sreath a' comharrachadh 70 bliadhna de Sgoil Eòlais na h-Alba, 1951-2021.

Sreath a' comharrachadh 70 bliadhna de Sgoil Eòlais na h-Alba, 1951-2021. Series marking 70 years of the School of Scottish Studies, 1951-2021.

Sruth an Eòlais: Tombaca is Tì

Tombaca is Tì

BBC Radio nan Gàidheal - Sruth an Eòlais, Tombaca is TìSearch BBC

Jo NicDhòmhnaill le naidheachdan 's òrain mu thì 's mu thombaca air a' Ghàidhealtachd.

Jo NicDhòmhnaill le naidheachdan 's òrain mu thì 's mu thombaca. Jo MacDonald presents a selection of archive material on two imports to the Highlands and Islands - tobacco and tea

Tha sinn a' comharrachadh gu bheil 70 bliadhna bho chaidh Sgoil Eòlais na h-Alba a stèidheachadh aig Oilthigh Dhùn Èideann air a' bhliadhna seo. Tron bhliadhna, cluinnidh sinn taghaidhean de chuid de na chaidh a thogail le luchd-cruinneachaidh na Sgoile, a' mhòr-chuid dheth sna 50an agus na 60an, bho dhaoine a bh' air am bogadh ann an dualchas agus beul-aithris na Gàidhlig. Chaidh an t-sreath sa a chraoladh an toiseach nuair a bha an Sgoil a' comharrachadh 50 bliadhna ann an 2001.

'S e naidheachdan 's òrain air dà rud a dh'fhàgadh daoine rudeigin troimhe-chèile nam biodh iad às an aonais a th' aig Jo NicDhòmhnaill dhuinn a seo - tì agus tombaca.

Ach cha robh iad a-riamh againn idir. Cluinnidh sinn mun chiad tì a dh'òladh an Uibhist a Tuath, mun chiad uair a rinn te à Uibhist a Deas tì 's gun i eòlach oirre agus mar a chaidh do chailleach à Mànais sna Hearadh leatha an dèidh dha mac punnd dhi a thoirt dhachaigh thuice às annas.  

Gheibh sinn sgeulachd is òran mun t-soitheach ainmeil, an Taeping, a bha a' giùlan na tì à Sìona a Lunnainn,  agus an Tiriostach Dòmhnall MacFhionghain na Chaiptein oirre. 

Sa Ros Mhuileach tha Dòmhnall Moireasdan a' gabhail an òrain Dì-moladh na tì a rinn am bàrd Tiriostach Iain MacIllEathain agus cuideachd òran a rinn Màiri NicDhùghaill à Bun Easain mun ghràin a bh' aice fhèin air an t-sìoman donn. 

À Uibhist a Deas tha sinn a' faighinn tuairmse air an èiginn anns am biodh na bodaich le dìth an tombaca san òran O Phìob Thombaca agus an Uibhist a Tuath cluinnidh sinn mar a chur dìth am tombaca aon bhodach gu bhith ga aoireadh leis a' mhiann a bh' aige air an duilleag dhonn.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Sruth an Eòlais

Tombaca is Tì

Genres

Brand

BBC Radio nan Gàidheal

About BBC Radio nan Gàidheal