BBC Radio nan Gàidheal

Sruth an Eòlais

Factual

Sruth an Eòlais 1

Sreath a' comharrachadh 70 bliadhna de Sgoil Eòlais na h-Alba, 1951-2021.

Sreath a' comharrachadh 70 bliadhna de Sgoil Eòlais na h-Alba, 1951-2021. Series marking 70 years of the School of Scottish Studies, 1951-2021.

Sruth an Eòlais: Flòraidh NicNèill

Flòraidh NicNèill

BBC Radio nan Gàidheal - Sruth an Eòlais, Flòraidh NicNèill

Flòraidh NicNèill le clàraidhean a rinneadh leis an teaghlach aice fhèin dhan Sgoil.

Flòraidh NicNèill le clàraidhean a rinneadh leis an teaghlach aice fhèin. Flora MacNeil presents a selection of her own recordings and also that of her mother, uncle and aunt.

Tha sinn a' comharrachadh gu bheil 70 bliadhna bho chaidh Sgoil Eòlais na h-Alba a stèidheachadh aig Oilthigh Dhùn Èideann air a' bhliadhna seo. Tron bhliadhna, cluinnidh sinn taghaidhean de chuid de na chaidh a thogail le luchd-cruinneachaidh na Sgoile, a' mhòr-chuid dheth sna 50an agus na 60an, bho dhaoine a bh' air am bogadh ann an dualchas agus beul-aithris na Gàidhlig. Chaidh an t-sreath sa a chraoladh an toiseach nuair a bha an Sgoil a' comharrachadh 50 bliadhna ann an 2001.

Tha a' bhana-sheinneadair chliùiteach Flòraidh NicNèill, nach maireann, a' toirt thugainn cuid de na h-òrain a chlàr i fhèin, a màthair, bràthair a màthar agus piuthar a màthar do Sgoil Eòlais na h-Alba thar nam bliadhna.

Fhuair a màthair, Anna NicIllÌosa, Annag Mhìcheil Nèill na h-òrain bho a màthair fhèin à Miughalaigh agus a seo tha i a' seinn 'Fail il eileadh e ho chan eil fonn slàn orm' mar thàladh.

Ged a bha òrain gaoil gu leòr aig bràthair a màthar, Niall, 's e òrain mu chogaidhean bu mhotha a bhiodh aige ach 's e ’S diumbach mi do mhuinntir Bhrèibhig agus mar a chaidh an t-òran a dhèanamh a th' aige dhuinn a seo. Bha Màiri a phiuthar a' fuireach còmhla ris, leis nach do phòs duine dhan dithis, agus bha i fhèin measail air òrain. 'S e pìos de laoidh 'S e do bheatha, Mhoire Mhaighdean a chluinneas sinn bhuaipe a seo. 

'S e Calum Iain MacIllEathain agus Seumas Ennis a thàinig a Bharraigh agus a chlàr an teaghlach an toiseach. 'S e Dh’ èirich mi gu moch  Diluain fear den a' chiad òrain a chlàr Flòraidh airson na Sgoile. Bhiodh i cuideachd ag ionnsachadh òrain bho dhaoine eile a thuilleadh air a màthair agus nuair a bhiodh i dol a Bhatarsaigh air a làithean-saora bha cothrom aice èisteachd ri Nan Eachainn Fhionnlaigh agus a màthair agus 's e Deoch-slainte nam Muileach fear a dh'ionnsaich i bho Nan.

Nuair a ghluais Flòraidh a Dhùn Èideann bhiodh i tric a' ceilidh air Calum Aonghais Chaluim, Calum MacIain à Barraigh a bha fuireach sa bhaile, agus chur iad còmhla A Mhic Iarla nam Bratach Bàna air clàr dhan Ameireagnach Ailean Lomax a bha na fhear-cruinneachaidh ainmeil aig Sgoil Eòlais na h-Alba. 

Cluinnidh sinn cuideachd 'Raghan o o hoireann o ho' aice, òran a bhiodh a màthair tric a seinn, mu te a b' fheudar fear nach robh idir a' còrdadh rithe a phòsadh.

'S ann bho a màthair a dh'ionnsaich Flòraidh an t-òran mu dheireadh a th' aice dhuinn, Hirlinn is hogaibh, o dèan suidhe is gabhainn sgeula.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Sruth an Eòlais

Flòraidh NicNèill

Genres

Brand

BBC Radio nan Gàidheal

About BBC Radio nan Gàidheal