BBC Radio nan Gàidheal

Sruth an Eòlais

Factual

Sruth an Eòlais 1

Sreath a' comharrachadh 70 bliadhna de Sgoil Eòlais na h-Alba, 1951-2021.

Sreath a' comharrachadh 70 bliadhna de Sgoil Eòlais na h-Alba, 1951-2021. Series marking 70 years of the School of Scottish Studies, 1951-2021.

Sruth an Eòlais: Bana-bhuidsichean

Bana-bhuidsichean

BBC Radio nan Gàidheal - Sruth an Eòlais, Bana-bhuidsichean

'S e bana-bhuidsichean an cuspair a th' aig an Dr Iain MacAonghais dhuinn.

'S e bana-bhuidsichean an cuspair a th' aig an Dr Iain MacAonghais dhuinn.  Dr John Macinnes brings us a selection of stories about witches and witchcraft.

Tha sinn a' comharrachadh gu bheil 70 bliadhna bho chaidh Sgoil Eòlais na h-Alba a stèidheachadh aig Oilthigh Dhùn Èideann air a' bhliadhna seo. Tron bhliadhna, cluinnidh sinn taghaidhean de chuid de na chaidh a thogail le luchd-cruinneachaidh na Sgoile, a' mhòr-chuid dheth sna 50an agus na 60an, bho dhaoine a bh' air am bogadh ann an dualchas agus beul-aithris na Gàidhlig. Chaidh an t-sreath sa a chraoladh an toiseach nuair a bha an Sgoil a' comharrachadh 50 bliadhna ann an 2001.

'S e bana-bhuidsichean an cuspair a th' aig an Dr Iain MacAonghais dhuinn a seo.

Tha e a' tòiseachadh le rann mu bhana-bhuidseach bho Anna NicChoinnich à Leòdhas, rann a thàinig à òran a rinneadh le Donnchadh MacChoinnich, bàrd Cheann Loch Iùbh. 
	
Tha sgeulachd aig Aonghas MacIllFhialan, Aonghas Beag Aonghais 'ic Eachain, à Uibhist a Deas air mar a thàinig Fearchar Fiaclach dhan t-saoghal agus gheibh sinn  sgeulachd an òrain Nighean nan Geug a th' air a sheinn le Anna Arnott . 

'S e sgeulachd a bha cumanta air feadh na Gàidhealtachd a th' aig Somhairle Thorburn nuair a tha e ag innse mun bhuachaille is na bana-bhuidsichean a thàinig a-steach ann an riochd cait 's esan na shìneadh sa leabaidh.   		
				
Tha Dùghall MacCarmaig à Muile ag innse eachdraidh na Caillich Bheurra a bha a' fuireach ann an Eilean Earraid,  te dha na cailleachan mòra ana-ghnàthaichte anns a robh duine a' creidsinn o shean,  agus tha Iain Beag Dòmhnallach à Loch Abar ag innse mu na thachair do dhithis òganach a bha a' sealg fèidh san t-sneachda nuair a choinnich iad ri cailleach aig Coire Chlabhraidh. 				
				
Airson crìochnachadh tha naidheachd aig Aonghas MacIllFhialan, Aonghas Beag Aonghais 'ic Eachain, à Uibhist a Deas mu Ghormal Mhòr agus an geamair.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Sruth an Eòlais

Bana-bhuidsichean

Genres

Brand

BBC Radio nan Gàidheal

About BBC Radio nan Gàidheal