Sruth an Eòlais

Original version

BBC Radio nan Gàidheal

Factual

Sreath a' comharrachadh 70 bliadhna de Sgoil Eòlais na h-Alba, 1951-2021.

Sreath a' comharrachadh 70 bliadhna de Sgoil Eòlais na h-Alba, 1951-2021. Series marking 70 years of the School of Scottish Studies, 1951-2021.

Sruth an Eòlais: A' cur gleadhar às na h-ùird

Sruth an Eòlais 1

A' cur gleadhar às na h-ùird

BBC Radio nan Gàidheal - Sruth an Eòlais, A' cur gleadhar às na h-ùird

Tha Iain Seathach a' toirt thugainn taghadh òrain a chaidh a chlàradh ann an Canada.

Tha Iain Seathach a' toirt thugainn taghadh òrain a chaidh a chlàradh an Canada. John Shaw brings us a selection of material recorded in Canada for the School of Scottish Studies.

Tha sinn a' comharrachadh gu bheil 70 bliadhna bho chaidh Sgoil Eòlais na h-Alba a stèidheachadh aig Oilthigh Dhùn Èideann air a' bhliadhna seo. Tron bhliadhna, cluinnidh sinn taghaidhean de chuid de na chaidh a thogail le luchd-cruinneachaidh na Sgoile, a' mhòr-chuid dheth sna 50an agus na 60an, bho dhaoine a bh' air am bogadh ann an dualchas agus beul-aithris na Gàidhlig. Chaidh an t-sreath sa a chraoladh an toiseach nuair a bha an Sgoil a' comharrachadh 50 bliadhna ann an 2001.

'S e taghadh de dh'òrain  - sa chuid as motha - à Canada a th' aig Iain Seathach dhuinn a seo.

Cluinnidh sinn dithis bho na North Shore Singers à Eilean Cheap Breatainn - Dòmhnall Iain Moireasdan, Montana Dan mar a bh' ac' air,  le Hè mo leanann agus Calum Aonghas Macleòid, Calum Aonghais Chaluim ( thàinig cuideachd athar à Scalpaigh na Hearadh ) le òran luaidh eile, Mo Chuachag.  

Air taobh eile Eilean Cheap Breatainn, sa Chamus Leathann bha Lachlann MacIllFhialain, Lachlann Dhòmhnail Nèill, aig a robh na ceudan òrain, cuid dhiubh a thàinig à Mòrar an Alba le shinnsearan agus tha e a' gabhail Chì mi Thallad. 
  
Le Ho ro ’s gur toigh leam fhìn thu, tha  Lachlann MacIllÌosa, òrain mu robh mòran deasbad an ann à Alba neo à Ceap Breatain a thàinig e.  B' e Aonghas MacIllFhialan à Mira Mhòr athair-cèile Lachlainn,   agus 's ann bhuaithe a thogadh Òran a’ Mhathain ann a 1963, òran a rinn Aonghas Caimbeul, fear a dh'fhalbh à Beinn na Fadhla. 

Dà mhìle mìle chun iar à Ceap Breatainn, tha sinn a' faighinn òran air a ghabhail le Tormod MacIllFhinnein bhon a' Bhac, òran a rinneadh le Dòmhnall Moireasdan à Bhaltos an Ùige Leòdhais. Tha 'Hi ho-ro tha mi duilich' ag innse an ionndrainn 's an cianalas a bh' air cuid a dh'fhalbh. 						
						
Thàinig Lachlann MacAoidh sgrìob à Canada a dh' Alba ann an 1975 gus chlàr Iain MacPheadrais e ag innse mar a bhiodh iad a' togail thaighean le fiodh.  

Tha Ailig Frangan MacAoidh agus Uilleam Ceanadach a' cluich an fhidhill, agus Màiri Anna Jewel air a' phiàna, le grunn phuirt cruinn.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Sruth an Eòlais

A' cur gleadhar às na h-ùird

Genres

Brand

BBC Radio nan Gàidheal

About BBC Radio nan Gàidheal