Sruth an Eòlais

Original version

BBC Radio nan Gàidheal

Factual

Sreath a' comharrachadh 70 bliadhna de Sgoil Eòlais na h-Alba, 1951-2021.

Sreath a' comharrachadh 70 bliadhna de Sgoil Eòlais na h-Alba, 1951-2021. Series marking 70 years of the School of Scottish Studies, 1951-2021.

Sruth an Eòlais: Suirghe Oidhche

Sruth an Eòlais 1

Suirghe Oidhche

BBC Radio nan Gàidheal - Sruth an Eòlais, Suirghe Oidhche

'S e òrain mu chaithris na h-oidhche à Sgoil Eòlais na h-Alba a th' aig Mòrag Nicleòid.

'S e òrain mu chaithris na h-oidhche à Sgoil Eòlais na h-Alba a th' aig Mòrag Nicleòid.  Stories and songs of night-visiting are brought to us by Morag Macleod.

Tha sinn a' comharrachadh gu bheil 70 bliadhna bho chaidh Sgoil Eòlais na h-Alba a stèidheachadh aig Oilthigh Dhùn Èideann air a' bhliadhna seo. Tron bhliadhna, cluinnidh sinn taghaidhean de chuid de na chaidh a thogail le luchd-cruinneachaidh na Sgoile, a' mhòr-chuid dheth sna 50an agus na 60an, bho dhaoine a bh' air am bogadh ann an dualchas agus beul-aithris na Gàidhlig. Chaidh an t-sreath sa a chraoladh an toiseach nuair a bha an Sgoil a' comharrachadh 50 bliadhna ann an 2001.

'S e seann chleachdadh, suirghe oidhche, a th' aig Mòrag NicLeòid dhuinn mar chuspair a seo. 

Gheibh sinn an toiseach fuasgladh air ciamar a phòs te nach gabhadh 'fear a bha a-muigh, neo fear a bha a-staigh, neo fear a bha dha chois neo fear a bha air muin eich' bho Nan Eachainn Fhionnlaigh, Nan NicFhionghain à Bhatarsaigh.

Bheir Calum MacIain dhuinn 'Nach coma leat 'ille dhuibh, tarraing an t-sreang' a rinn te dha do dh'fhear leis nach do shoirbhich air an oidhche a bh' ann. 

'S ann airson coibhneas sònraichte a chaidh 'Ceud soraidh slàn don mhaighdeann a rinn mo leab’ a chàradh' a dhèanamh agus e seo air a sheinn leis an Urr Uilleam MacMhathain.

Bha mòran suirghe a' dol air na h-àirighean ach cha deigheadh gabhail ris a h-uile fear mar a chluinneas sinn aig Cacile NicNèill ann a 'Bha mise raoir air an àirigh' agus ann an òran a rinn fireannach, 'Thug mi ’n oidhche raoir air àirigh',  gheibh sinn a-mach na dh'fhaodadh a dhol ceàrr, nuair a thòisicheadh 'na goid-chùil a rànaich'. 

Gheibh sinn a' bhàrdachd 'Air oidhche ghruamach' bho Dhonnchadh Mac a' Ghobhainn, bàrdachd a rinn Donnchadh MacNìbhein à Cille Chomhainn.  

Mu dheireadh, tha fear eile a' magadh air fhèin le mar a chaidh dha leis an t-suirghe, 'nuair a dh'eirich am bodach 's a bhata na làimh', ann a 'Mo nighean chruinn donn air bharraibh nan tonn' air a ghabhail le Ceit, bean Eàirdsidh Raghnaill à Uibhist a Deas.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Sruth an Eòlais

Suirghe Oidhche

Genres

Brand

BBC Radio nan Gàidheal

About BBC Radio nan Gàidheal