BBC Radio nan Gàidheal

Sruth an Eòlais

Factual

Sruth an Eòlais 1

Sreath a' comharrachadh 70 bliadhna de Sgoil Eòlais na h-Alba, 1951-2021.

Sreath a' comharrachadh 70 bliadhna de Sgoil Eòlais na h-Alba, 1951-2021. Series marking 70 years of the School of Scottish Studies, 1951-2021.

Sruth an Eòlais: Cur-seachadan

Cur-seachadan

BBC Radio nan Gàidheal - Sruth an Eòlais, Cur-seachadan

'S iad geamannan, rannan agus tòimhseachain a th' aig Fiona NicChoinnich dhuinn.

'S iad geamannan, rannan agus tòimhseachain a th' aig Fiona NicChoinnich dhuinn. Games, riddles and rhymes are Fiona MacKenzie's topic today.

Tha sinn a' comharrachadh gu bheil 70 bliadhna bho chaidh Sgoil Eòlais na h-Alba a stèidheachadh aig Oilthigh Dhùn Èideann air a' bhliadhna seo. Tron bhliadhna, cluinnidh sinn taghaidhean de chuid de na chaidh a thogail le luchd-cruinneachaidh na Sgoile, a' mhòr-chuid dheth sna 50an agus na 60an, bho dhaoine a bh' air am bogadh ann an dualchas agus beul-aithris na Gàidhlig. Chaidh an t-sreath sa a chraoladh an toiseach nuair a bha an Sgoil a' comharrachadh 50 bliadhna ann an 2001.

Tha Fiona NicChoinnich a' toirt thugainn ultach gheamannan, ranndan agus thòimhseachain a bh' aig daoine nan òige agus a chaidh a chruinneachadh le Sgoil Eòlais na h-Alba.  

Gheibh sinn ranndan agus aibideil à Muile bho Dhùghall MacCarmaig. Cluinnidh sinn grunn ranndan agus gheamannan mar 'Mireadh nan Cruach' bho Cheit Dix, Ceit an Tàilleir à Beàrnaraigh na Hearadh. 

Cuiridh Nan NicFhionghain, Nan Eachainn Fhionnlaigh à Bhatarsaigh tòimhseachain oirnn leithid an fhir sa - Cuthag, cuthag steach an doras 's cnàimh duin' aice na beul.  Bheir i cuideachd dhuinn cunntas air iomart fhaochaig.  

Ann am Barraigh bhiodh iad a' carachd ann an gèam air a robh 'Crom an Fhàsaich' agus nì Calum MacIain, Calum Aonghais Iain dealbh dhuinn air.  

Aig Ruaraidh MacPhilip, Ruaraidh Iain Nèill à Beàrnaraigh na Hearadh gheibh sinn a-mach mu gheamannan leithid 'Leagail Saighdear' agus 'Speilean' agus innsidh e cuideachd mu chloidsear - dè a bh' ann agus dè a bhiodh iad a' dèanamh leis. Cluinnidh sinn cuideachd bhuaithe mun ghàireachdainn a bhiodh aca leis a' ghèam 'Leannan às a' Luaithe'.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Sruth an Eòlais

Cur-seachadan

Genres

Brand

BBC Radio nan Gàidheal

About BBC Radio nan Gàidheal