BBC Radio nan Gàidheal

Sruth an Eòlais

Factual

Sruth an Eòlais 1

Sreath a' comharrachadh 70 bliadhna de Sgoil Eòlais na h-Alba, 1951-2021.

Sreath a' comharrachadh 70 bliadhna de Sgoil Eòlais na h-Alba, 1951-2021. Series marking 70 years of the School of Scottish Studies, 1951-2021.

Sruth an Eòlais: Na h-Ùigich

Na h-Ùigich

BBC Radio nan Gàidheal - Sruth an Eòlais, Na h-Ùigich

An seinneadair Màiri Nic a’ Ghobhainn a' tadhal air a' Chnìop an Ùig airson taghadh òrain.

An seinneadair Màiri Nic a’ Ghobhainn a' tadhal air a' Chnìop an Ùig airson taghadh òrain. The singer Mary Smith chooses songs from a brother and sister in Uig, Lewis.

Tha sinn a' comharrachadh gu bheil 70 bliadhna bho chaidh Sgoil Eòlais na h-Alba a stèidheachadh aig Oilthigh Dhùn Èideann air a' bhliadhna seo. Tron bhliadhna, cluinnidh sinn taghaidhean de chuid de na chaidh a thogail le luchd-cruinneachaidh na Sgoile, a' mhòr-chuid dheth sna 50an agus na 60an, bho dhaoine a bh' air am bogadh ann an dualchas agus beul-aithris na Gàidhlig. Chaidh an t-sreath a chraoladh an toiseach nuair a bha an Sgoil a' comharrachadh 50 bliadhna ann an 2001.

'S ann air na h-Ùigich a tha an seinneadair Màiri Nic a’ Ghobhainn a' cèilidh a seo agus dòrlach òrain aice a chaidh a thogail bhuapa le Sgoil Eòlais na h-Alba. 

Thog Màiri iomadach òran bho Pheigi Eighrig Nic a’ Ghobhainn, Peigi Eighrig Aonghais an t-Saighdeir bhon a' Chnìop an Ùige Leòdhais agus nuair a chaidh i a chèilidh oirre bhruidhinn iad cuideachd air a bràthair, an seinneadair Aonghas Coinneach MacIomhair, aig a robh guth socair, ciùin, le seinn gun strì. 

Bha Peigi Eighrig air a bhith iomadach bliadhna ann an Lunnainn ach bha i an uair ud air ais air a’ Chnìop. Bhiodh i a' seinn ‘s ri bàrdachd agus, mar a tha i fhèin ag innse, 's e bràthair a seanair a thug dhi spiorad na bàrdachd air leabaidh a’ bhàis. 

Tha i ag innse mar a thàinig Seumas Ros a dh’Ùig a chlàradh agus mar a thurchair gu robh banais ann an oidhche a bh’ ann.

Cluinnidh sinn aig Aonghas Coinneach MacÌomhair na h-òrain 'Air mo dhùrachd b’ e siud a lùiginn', 'O till rium a leanainn', 'Mheall thu, mheall thu, mheall thu mi' agus 'Gur trom an t-eallach an gaol'. 
			
Bho Pheigi Eighrig gheibh sinn 'Gun seinn mi rann mu dheidhinn na tìr' agus 'Chan eil mo leannan ann an seo'

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Sruth an Eòlais

Na h-Ùigich

Genres

Brand

BBC Radio nan Gàidheal

About BBC Radio nan Gàidheal