BBC Radio nan Gàidheal

Sruth an Eòlais

Factual

Sruth an Eòlais 1

Sreath a' comharrachadh 70 bliadhna de Sgoil Eòlais na h-Alba, 1951-2021.

Sreath a' comharrachadh 70 bliadhna de Sgoil Eòlais na h-Alba, 1951-2021. Series marking 70 years of the School of Scottish Studies, 1951-2021.

Sruth an Eòlais: Euslaintean is Ìoc-shlaintean

Euslaintean is Ìoc-shlaintean

BBC Radio nan Gàidheal - Sruth an Eòlais, Euslaintean is Ìoc-shlaintean

'S e na leigheasan a bh' aig ar sinnsirean air difir thinneasan a th' aig Jo NicDhòmhnaill

'S e na leigheasan a bh' aig ar sinnsirean air difir thinneasan a th' aig Jo NicDhòmhnaill.  Jo MacDonald brings us a varied selection of old cures, from toothache to arthritis.

Tha sinn a' comharrachadh gu bheil 70 bliadhna bho chaidh Sgoil Eòlais na h-Alba a stèidheachadh aig Oilthigh Dhùn Èideann. Tron bhliadhna, cluinnidh sinn taghaidhean de chuid de na chaidh a thogail le luchd-cruinneachaidh na Sgoile, a' mhòr-chuid dheth sna 50an agus na 60an, bho dhaoine a bh' air am bogadh ann an dualchas agus beul-aithris na Gàidhlig. Chaidh an t-sreath sa a chraoladh an toiseach nuair a bha an Sgoil a' comharrachadh 50 bliadhna ann an 2001.

A seo 's e euslaintean is ìoc-shlaintean an cuspair a th' aig Jo Nic Dhòmhnaill dhuinn - agus 's iomadh rud a tha annasach dhuinn an-diugh a bhathas a' cleachdadh airson leigheis.

Cluinnidh sinn bho Dhòmhnall Chaluim Bàin, Dòmhnall Mac na Ceàrdaich à Tiriodh mar a bhathas a' dèiligeadh ri leamhnagan air an t-sùil  agus bho Dhòmhnaill Ailig 'ac Dhòmhnaill, Dòmhnall Ailig MacEacharna à Beinn na Fadhla, mu leigheas annasach a bh' aca airson an dèideadh, na chuireadh leum-droma ceart, mu phlanntrais a bhiodh iad a' cleachdadh airson gearraidhean is eile agus mu na bhiodh daoine a' gabhail nuair a bha duilgheadas aca a' cnàmh am biadh.    

Innsidh Peigi agus Màiri Anndra, Peigi 's Màiri NicRath à Gleanndàil an Uibhist a Deas dhuinn mu thinneas a Rìgh agus an seachdamh mac.

Bheir Anna Nicleòid à Tong a Leòdhas,  iomradh air an dòigh a bh' aca air faochadh a thoirt do neasgaid agus mìnichidh Nan Nic Fhionghain, Nan Eachann Fhionnlaigh à Bhatarsaigh am feum gu robh iad a' cur cuach Phàdraig agus an t-slàn-lus.

Gheibh sinn a-mach bho UiIleam Deòrach à Eilean Èisdeal na bhiodh iad a' dèanamh le lìon an damhan-allaidh agus an deala. 

Agus tha fiosrachadh aig Ruairidh MacIllEathain à Rubha Mòr na Còigich mu fheur a' chrodh eighre a bhiodh iad a' cleachdadh airson siataig agus cluinnidh sinn cò dha a bhiodh bainne làire air a thoirt ann an Eilean Bheàrnaraigh na Hearadh bho Chairistìona NicPheadrais.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Sruth an Eòlais

Euslaintean is Ìoc-shlaintean

Genres

Brand

BBC Radio nan Gàidheal

About BBC Radio nan Gàidheal