BBC Radio nan Gàidheal

Sruth an Eòlais

Factual

Sruth an Eòlais 1

Sreath a' comharrachadh 70 bliadhna de Sgoil Eòlais na h-Alba, 1951-2021.

Sreath a' comharrachadh 70 bliadhna de Sgoil Eòlais na h-Alba, 1951-2021. Series marking 70 years of the School of Scottish Studies, 1951-2021.

Sruth an Eòlais: Ruairidh MacÀidh,  Bàrd Iolaraigh

Ruairidh MacÀidh,  Bàrd Iolaraigh

BBC Radio nan Gàidheal - Sruth an Eòlais, Ruairidh MacÀidh,  Bàrd Iolaraigh

CeitidhMhoireasdan à Sollas ag innse mu bhàrdachd Ruairidh MhicÀidh, Bàrd Iolaraigh.

Ceitidh Mhoireasdan à Sollas ag innse mu bhàrdachd Ruairidh MhicÀidh, Bàrd Iolaraigh. Katie Morrison presents a selection of songs written by Roderick Mackay, Bàrd Iolaraigh.

Air a' bhliadhna seo tha sinn a' comharrachadh gu bheil 70 bliadhna bho chaidh Sgoil Eòlais na h-Alba a stèidheachadh aig Oilthigh Dhùn Èideann. Tron bhliadhna, cluinnidh sinn taghaidhean de chuid de na chaidh a thogail le luchd-cruinneachaidh na Sgoile, a' mhòr-chuid dheth sna 50an agus na 60an, bho dhaoine a bh' air am bogadh ann an dualchas agus beul-aithris na Gàidhlig. Chaidh an t-sreath sa a chraoladh an toiseach nuair a bha an Sgoil a' comharrachadh 50 bliadhna ann an 2001.

A seo 's i Ceitidh Mhoireasdan à Sollas a tha ag innse dhuinn mu bheatha 's mu bhàrdachd Ruairidh MhicÀidh, Bàrd Iolaraigh an Uibhist a Tuath. 

Rugadh Ruairidh ann an 1872 ann an geàrraidh Chnoc an Torran ann a sgìre Phaibil. Bha còignear eile san teaghlach agus ùidh ac’ uile ann an ceòl. Thàinig leabhar de a chuid bàrdachd, Oiteagan à Tìr nan Òg a-mach ann a 1938 agus chaidh ath-fhoillseachadh ann a 2018. Bha raon farsaing de chuspairean aige 's e a' suathadh ri cogadh, caoidh, ionndrainn, gaol, moladh, cianalas, spòrs, fealla-dhà agus eile. 

Cluinnidh sinn aig Seonaidh MacDhòmhnaill, Seonaidh Dhodaidh às a’ Chaolas mar a rinn Ruairidh a' chiad òran aige agus bho Ruairidh MacDhòmhnaill, Ruairidh na Càrnaich,  sgeulachd mu Ruairidh MhicÀidh agus Aonghas Robasdan, bàrd eile sa Bhaile Shear, agus mar a chaidh Aonghas a’ losgadh agus e a’ dèanamh biadh do  Ruairidh agus e air stad aige air an t-slighe air ais à taigh-sheinnse Chàirinis. Rinn Ruairidh bàrdachd dha fhads a bha e a’ dèanamh a’ bhìdh.
                                               
Cluinnidh sinn Ùisdean MacMhathain, Ùisdean Sheumais às a Bhaile Shear,  a' gabhail Tha mi falbh air Turas, Òran an Tairbh agus Òran an Aithreachais;  Sandaidh Ailig ‘icPhàil a Loch Euphort le 'S Muladach mi 'n-diugh 's mi 'g Èirigh ( neo Cuairt Shuirghe air Droch Astar Tarsainn Monaidh 's an Oidhche Dhorcha );  Bealag NicPhàil, Bealag Dhòmhnaill Bhàin à Loch nam Madadh le Cuairt do dh'Uibhist agus Eòghainn Dòmhnallach le Òran a' Chianalais.                                                      

 Chaochail Ruairidh MacÀidh ann an 1949 aig aois 77.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Sruth an Eòlais

Ruairidh MacÀidh, Bàrd Iolaraigh

Genres

Brand

BBC Radio nan Gàidheal

About BBC Radio nan Gàidheal