BBC Radio nan Gàidheal

Sruth an Eòlais

Factual

Sruth an Eòlais 1

Sreath a' comharrachadh 70 bliadhna de Sgoil Eòlais na h-Alba, 1951-2021.

Sreath a' comharrachadh 70 bliadhna de Sgoil Eòlais na h-Alba, 1951-2021. Series marking 70 years of the School of Scottish Studies, 1951-2021.

Sruth an Eòlais: Deoch Slàinte nan Gillean

Deoch Slàinte nan Gillean

BBC Radio nan Gàidheal - Sruth an Eòlais, Deoch Slàinte nan Gillean

Òrain à Barraigh air an toirt thugainn le Mairead Nic Nèill à Eòlaigearraidh.

Òrain à Barraigh air an toirt thugainn le Mairead NicNèill à Eòlaigearraidh. Margaret MacNeil selects songs from Barra in the School of Scottish Studies archive.

Air a' bhliadhna seo tha sinn a' comharrachadh 70 bliadhna bho chaidh Sgoil Eòlais na h-Alba a stèidheachadh aig Oilthigh Dhùn Èideann. Tron bhliadhna, cluinnidh sinn taghaidhean de chuid de na chaidh a chlàradh le luchd-cruinneachaidh na Sgoile, a' mhòr-chuid dheth sna 50an agus na 60an, bho dhaoine a bh' air am bogadh ann an dualchas agus beul-aithris na Gàidhlig. Chaidh an t-sreath sa a chraoladh an toiseach nuair a bha an Sgoil a' comharrachadh 50 bliadhna ann an 2001.

Tha Màiread NicNèill, seinneadair agus tidsear à Barraigh a' toirt thugainn grunnan òrain às an eilean aice fhèin. Tha mòran de na h-òrain rin lorg sa leabhar Deoch-slainte nan Gillean, leabhar a rinn an t-Èireannach Colm O’ Lochlainn de dh'òrain à Barraigh. Bhiodh Colm tric a' tighinn a Bhàrraigh le làraidh èisg sna 1920an agus rinn e an leabhar mar chuimhneachan air a charaid 's air mac bràthair seanar Màiread, Donaidh MacNèill, Donaidh Lachlainn a chaidh a mharbhadh ann an tubaist aig aois 24.  Bha Dònaidh air a dhol a dh'obair a dh'Èirinn an dèidh dha an sgoil fhàgail agus 's iomadh duine  an Èirinn a chual' e a' seinn nan òran san leabhar.

Cluinnidh sinn Mairead NicIllEathain ( Mairead Uilleim Òig ),  Màiri  NicIllEathain ( Meiseag ),  Màiri  Mhoireasdan ( Màiri Eòghainn Mhòir ), Nan NicFhionghain ( Nan Eachainn Fhionnlaigh ) agus Màiri Seasaidh NicIllEathain ( Bean a’ Bhuchaldaigh ) a' gabhail nan òran.

Tha mòran dhiubh air an dèanamh le Calum MacFhionghain ( Calum Dhòmhnaill ) agus le Dòmhnall MacFhionghain ( Dògan Phàdraig ) air cuspairean cho eadar-dhealaichte ris a' Cho-op sa Bhàgh a Tuath, tubaist a bh' aig bean Chaluim air an t-slighe dhachaigh, an Dotair Leòdach agus fiù 's nach eil fear ann air each. 

Tha am prògram a' crìochnachadh le Màiri Eòghainn Mhòir a' seinn agus a' canntaireachd A Cholla mo Rùin - te a chumadh cèilidh sam bith a' dol le a liut air puirt!

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Sruth an Eòlais

Deoch Slàinte nan Gillean

Genres

Brand

BBC Radio nan Gàidheal

About BBC Radio nan Gàidheal