BBC Radio nan Gàidheal

Sruth an Eòlais

Factual

Sruth an Eòlais 1

Sreath a' comharrachadh 70 bliadhna de Sgoil Eòlais na h-Alba, 1951-2021.

Sreath a' comharrachadh 70 bliadhna de Sgoil Eòlais na h-Alba, 1951-2021. Series marking 70 years of the School of Scottish Studies, 1951-2021.

Sruth an Eòlais: Na h-òrain aig Dòmhnall MacColla

Na h-òrain aig Dòmhnall MacColla

BBC Radio nan Gàidheal - Sruth an Eòlais, Na h-òrain aig Dòmhnall MacColla

Tha a' bhàrdachd 's an t-seinn aig Dòmhnall MacColla às an Dunbheag san Òban fon prosbaig.

Tha a' bhàrdachd 's an t-seinn aig Dòmhnall MacColla às an Dunbheag faisg air an Òban fon prosbaig. We look at the poetry and singing of Donald MacColl of Dunbeg, near Oban.

Air a' bhliadhna seo tha sinn a' comharrachadh 70 bliadhna bho chaidh Sgoil Eòlais na h-Alba a stèidheachadh aig Oilthigh Dhùn Èideann. Tron bhliadhna, cluinnidh sinn taghaidhean de chuid de na chaidh a chlàradh le luchd-cruinneachaidh na Sgoile, a' mhòr-chuid dheth sna 50an agus na 60an, bho dhaoine a bh' air am bogadh ann an dualchas agus beul-aithris na Gàidhlig. Chaidh an t-sreath sa a chraoladh an toiseach nuair a bha an Sgoil a' comharrachadh 50 bliadhna ann an 2001.

A seo 's ann air a' bhàrdachd agus an t-seinn aig Dòmhnall MacColla às an Dunbheag san Òban a tha am prosbaig, le dithis a bha eòlach air eachdraidh Dhòmhnaill a' toirt thugainn na sgeòil.  'S e cìobair a bh' ann an Dòmhnall agus bhiodh e ri bàrdachd mu uachdarain nach robh còrdadh ris agus rudan a bhiodh a’ tachairt sa sgìr' aige, am measg rudan eile. 

Bha Dòmhnall a’ fuireach an Ceann Tràgha agus bha Seumas Camshron a’ fuireach ann an Airidh Bheagaige an Ath Tharracail is e eòlach air Dòmhnall bho bha e òg. Agus bha cleamhnas ann cuideachd,  oir phòs e nighean piuthar Dhòmhnaill.  Chaidh Dòmhnall a chìobaireachd agus a gheamaireachd ann a Loch Èite, agus às dèidh sin chaidh e dhan Ghallanach Bheag air Bràigh an Òbain far a robh e cuideachd ag obair le crodh. 

Bha càirdeas aig Ailean MacColla ri Dòmhnall. Bha e a' fuireach sa Chorpaich agus b' e a sheanair agus athair Dhòmhnaill an dà bhràthair.  Bhiodh e a' tachairt ris aig feiltean chruidh, aig Mòdan agus cruinneachaidhean sa sgìre far am biodh e a’ seinn.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Sruth an Eòlais

Na h-òrain aig Dòmhnall MacColla

Genres

Brand

BBC Radio nan Gàidheal

About BBC Radio nan Gàidheal