Dèanamaid Adhradh

Original version

BBC Radio nan Gàidheal

Religion & Ethics

Adhradh is seirbhisean-eaglaise. Acts of worship and church services

Adhradh is seirbhisean-eaglaise. Acts of worship and church services.

Dèanamaid Adhradh: Mgr Earraig le Seirbheis Didòmhnaich na Càisge

Mgr Earraig le Seirbheis Didòmhnaich na Càisge

BBC Radio nan Gàidheal - Dèanamaid Adhradh, Mgr Earraig le Seirbheis Didòmhnaich na Càisge

Seirbheis Didòmhnaich na Càisge còmhla Mgr Earraig às a' Phòlainn.

Seirbheis Didòmhnaich na Càisge còmhla Mgr Earraig às a' Phòlainn.  Fr Earraig brings us our Easter Sunday Service from Poland.

Anns an t-seirbheis cluinnidh sibh na laoidhean agus an leughadh seo :

Chaidh na laoidhean a leanas an clàradh ann an Eaglais Bhatarsaigh : 'Regina Caeli, Celtic Alleluia'  agus 'Glòir do Dhia, tha sinne seinn do chliù'.   
A’ seinn Solas na Grèine bha Còisir Sgoil Lionacleit agus a’ seinn O Seinneamh don Tighearna bha Còisir Eaglais Naomh Barr.
 A' seinn Èirigh Bileag ùr Ghorm bha Sìneag Nic an t-Saoir agus Norrie MacÌomhair.    

Soisgeul :	Lùcas 24

'S ann à baile Koszalin air a’ chosta Bhaltaigich ann an ceann a tuath na Pòlainne, a tha Mgr Earraig. Tha e air a bhith na shagart o chionn cha mhòr naoi bliadhna deug. Bha e an toiseach ann am paraiste mhòr san sgìr'-easbaig aige agus às dèidh dà bhliadhna chaidh a chuir dhan Ròimh. Bha e anns an Ròimh airson seachd bliadhna agus thug e a-mach dotaireachd (Ph.D.) ann am patristics (athraichean na h-Eaglaise, eachdraidh is diadhachd na h-Eaglaise sna ciad linntean). Nuair a thill e dhan Phòlainn deich bliadhna air ais, thòisich e air obair anns a’ cholaiste far am bithear a’ trèanadh oileanaich a tha ag ullachadh airson a bhith nan sagairt. Bidh e cuideachd a’ teagasg patristics agus Laidinn ann. An-uiridh chaidh ainmeachadh mar cheannard na Colaiste.

A thaobh a' cheangal a th’ aig Mrg Earraig ris a’ Ghàidhlig, mar a thuirt e fhèin 's e 'sgeul gaoil a tha seo'.

Nuair a bha e anns an Ròimh dh’fhuirich e ann an Colaiste nan Albannach agus bhon a’ chiad bhliadhna a bha e ann a sin, thòisich e air tighinn a dh’Alba gus cobhair a thoirt do shagairt ann an diofar pharaistean agus tha e fhathast a’ dèanamh seo nuair a gheibh e an cothrom. Bha Alba a’ còrdadh ris gu mòr agus thairis air na seachd bliadhna deug tha e air tadhail air tòrr àiteachan an Alba agus air tòrr charaidean a’ dhèanamh. Beagan bhliadhnaichean air ais, mar a thuirt e, 'làndaig mi anns na h-eileanan agus thachair mi ris a’ Ghàidhlig.'

Bhon uair sin tha e air a bhith ga h-ionnsachadh, rinn e cùrsaichean aig an t-Sabhal Mhòr, am Flòdaigearraidh agus air-loidhne agus ged a tha e anns a’ Phòlainn, tha e ag ràdh 'gu bheil a’ chridhe ann an Alba.'

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Dèanamaid Adhradh

Mgr Earraig le Seirbheis Didòmhnaich na Càisge

Genres

Brand

BBC Radio nan Gàidheal

About BBC Radio nan Gàidheal