BBC Radio nan Gàidheal

Sruth an Eòlais

Factual

Sruth an Eòlais 1

Sreath a' comharrachadh 70 bliadhna de Sgoil Eòlais na h-Alba, 1951-2021.

Sreath a' comharrachadh 70 bliadhna de Sgoil Eòlais na h-Alba, 1951-2021. Series marking 70 years of the School of Scottish Studies, 1951-2021.

Sruth an Eòlais: Taghadh à Beinn  a’ Bhadhla

Taghadh à Beinn  a’ Bhadhla

BBC Radio nan Gàidheal - Sruth an Eòlais, Taghadh à Beinn  a’ Bhadhla

Catrìona Garbutt le òrain is laoidhean à eilean a h-àraich, Beinn a' Bhadhla.

Catrìona Garbutt le taghadh de dh' òrain is laoidhean à eilean a h-àraich, Beinn a' Bhadhla. Catriona Garbutt chooses hymns and songs from her native island of Benbecula.

Air a' bhliadhna seo tha sinn a' comharrachadh 70 bliadhna bho chaidh Sgoil Eòlais na h-Alba a stèidheachadh aig Oilthigh Dhùn Èideann. Tron bhliadhna, cluinnidh sinn taghaidhean de chuid de na chaidh a chlàradh le luchd-cruinneachaidh na Sgoile, a' mhòr chuid dheth sna 50an agus na 60an, bho dhaoine a bh' air am bogadh ann an dualchas agus beul-aithris na Gàidhlig. Chaidh an t-sreath sa a chraoladh an toiseach nuair a bha an Sgoil a' comharrachadh 50 bliadhna ann an 2001.

'S i a' bhana-sheinneadair agus am pìobaire, Catrìona Garbutt, nighean Chaluim Iain Chaluim Bhig, a tha còmhla rinn a seo le taghadh de cheòl à eilean a h-àraich, Beinn a' Bhadhla. 

Cluinnidh sibh Penny 'Mhòr' NicIllFhialain,  Penny Aonghais Iain le Òran na Fèille a sgrìobh bean ’Illeasbuig Iain às an Iochdair.  
Gheibh sinn Laoidh Dhiarmaid agus 'Gura muladach sgith mi' bho nighean ‘Illeasbuig Ghriomasaigh, Catriona NicCarmaig à Hàcleit, a dh’ ionnsaich Am Bròn Binn do Chatrìona fhèin. 
Gabhaidh Oighrig Monk, nighean Peigi a’ Rubha à Gràmasdail, 'S daingean bhuail iad as gach taobh sibh', òran mu mhurt na Ceapaich agus aig Fanaidh NicÌosaig, Fanny Dhonnchaidh Ruaidh tha Laoidh a' Phurgadair.  
Tha Margadh an t-Sàlainn aig Tormod Ruadh Mac a’ Mhaoilein am Baile Mhanaich, a bha an uairsin a Sliabh na h-Àirde,  ged a chuir e seachad a bheatha-phòsta an Cille Pheadair. 
Cluinnidh sinn cuideachd Dòmhnall Ailig MacEachan, Dòmhnall Ailg ‘ic Dhòmhnaill, a’ bruidhinn ri Dòmhnall Eàirdsidh Dòmhnallach mu Dhòmhnall Bàn na Camairt a bha pòst’ aig piuthar a shin-seanair.
Bha Ceit Nic a’ Mhaoilein, Ceit Ruaraidh ‘ic Aonghais ic Calum,  a' fuireach faisg air Sgoil Chnoc na  Mònadh agus a bharrachd air a bhith a' seinn òrain bha i deònach an toirt seachad, agus cluinnidh sinn i le Gaol Ise, Gaol i.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Sruth an Eòlais

Taghadh à Beinn a’ Bhadhla

Genres

Brand

BBC Radio nan Gàidheal

About BBC Radio nan Gàidheal