Dèanamaid Adhradh Tasglann

Original version

BBC Radio nan Gàidheal

Dèanamaid Adhradh

Religion & Ethics

Adhradh is seirbhisean-eaglaise. Acts of worship and church services

Adhradh is seirbhisean-eaglaise. Acts of worship and church services.

Dèanamaid Adhradh: Mgr Cailean MacAonghais le seirbheis Là nam Màthraichean

Mgr Cailean MacAonghais le seirbheis Là nam Màthraichean

BBC Radio nan Gàidheal - Dèanamaid Adhradh, Mgr Cailean MacAonghais le seirbheis Là nam Màthraichean

Seirbheis bho 2012 a' comharrachadh Là nam Màthraichean le Mgr Cailean MacAonghais.

Seirbheis bho 2012 a' comharrachadh Là nam Màthraichean còmhla ri Mgr Cailean MacAonghais. A special Mother's Day service from 2012 with Father Colin MacInnes from Ecuador.

Anns an t-seirbheis cluinnidh sibh na leughaidhean is na laoidhean a leanas:
Còisir Ghàidhlig Bhaile Ghobhainn - Laoidh Chaluim Chille.
Gillebrìde MacIlleMhaoil - Tha Moire fo Bhròn.
Pòl MacCaluim - A Mhàthair Mhic Dè.
Màiri NicIlleMhaoil - A Mhoire Mhìn-gheal.
Kathleen NicAonghais - Reul Àlainn a' Chuain.

Leughaidhean air an leughadh le Sìne NicAonghais:
Genesis 19: 5-8
Lùcas 1: 26-38
Eòin 8: 1-13

Rugadh Maighstir Cailean MacAonghais ann an sgìre Bhòrnais an Uibhist a Deas ann an 1945. Fhuair e trèanadh airson na sagartachd ann an Obar Dheathain agus mu dheireadh anns an Spàinn. Thàinig e a-mach na shagart ann an 1970 a' cur seachad nan ciad bhliadhnaichean còmhla ri sagart Bhàgh a' Chaisteil agus an uairsin ùine san Òban mus do ghabh e thairis uallach paraiste. Bha Mgr Cailean na shagart san Iochdar airson sia bliadhna agus às an sin ghluais e gu paraiste Eaglais Naomh Bàrr sa Bhàgh a Tuath ann am Barraigh. Cho fad 's a bha e na shagart anns na h-eileanan rinn e an t-uabhas de dh'obair am measg na coimhearsnachd, a' cuideachadh nan daoine ann a bhith a' cur air chois Co-Chomainn, tallaichean coimhearsnachd, agus an lùib sin a bhith am measg an fheadhainn a chuir air chois Fèis Bharraigh. Cha robh an seo ach toiseach tòiseachaidh air obair nam Fèisean a tha air a bhith a' dol bho neart gu neart bhon a chaidh a' chiad tè a stèidheachadh anns na h-ochdadan.
Chuir Maighstir Cailean cùl ris na h-eileanan (ged a bha e fhathast na shagart airson na sgìr-easbaig) ann an 1985 agus ghabh e àite air Comann Miseanaraidhean an Naoimh Seumas agus 's ann tron chomainn seo a chaidh a chur gu sgìr-easbaig ann an Ceann a Deas Ameireagaidh - gu Quito ann an Ecuador.
'S e beatha gu math eadar dhealaichte a bha air thoiseach air Mgr Cailean nuair a chaidh e a-null an sin - sgìre làn bochdainn agus ana-ceartas le foill is eucoir na lùib cuideachd. Bha sluagh mòr de Chaitligich anns an àite - bho pharaiste anns an robh nas lugha na ceithir cheud, ghluais e gu paraiste anns an robh na mìltean agus glè bheag de shagartan airson an creideamh a' bhrosnachadh am measg an t-sluaigh. Nuair a chaidh e a-null, bha sagart eile an dùil a dhol a-null còmhla ris ach gu mì-fhortanach dh'fhàs an sagart eile bochd agus bha aig Mgr Cailean ri dhol ann na aonar.
A bharrachd air obair na sagartachd agus beatha spioradail nan daoine a bhrosnachadh, ghabh Mgr Cailean uallach cuideachd airson beatha shòisealta agus poilitigeach nan daoine, le bhith a' sabaid airson an còirichean. Bhiodh e a' gabhail pàirt ann an iomadach prògram air reidio is telebhisean, a' bruidhinn anns a' Phàrlamaid, a' gabhail pàirt ann an caismeachdan agus eile, agus fad na h-ùine a' strì agus ag obair airson muinntir na paraiste. Aig an aon àm chuir e a bheatha fhèin ann am fìor chunnart.
Thairis nam bliadhnaichean a chuir Mgr Cailean seachad ann an Comite del Pueblo chaidh siostam uisge a stèidheachadh sa choimhearsnachd, fhuair e taic airgid air leth bho pharaistean na sgìr-easbaig aige fhèin agus chaidh eaglaisean is sgoiltean a thogail agus rathaidean a stèidheachadh - thug e misneachd dha na daoine a bhith ag obair còmhla ann a bhith a' leudachadh agus a' leasachadh phròiseactan agus a' dèanamh beatha nas fheàrr dhaibh pèin agus an cuid chloinne.

Ann an 2005 ghluais Mgr Cailean gu sgìre eile ann an Ecuador, sgìre a bha a' fulang barrachd bochdainn. An turas seo bha e stèidhichte nas fhaisg air a' mhuir, faisg air Guayaquil. Ghluais Mgr Cailean air ais a dh'Uibhist agus chaidh a chur os cionn paraiste Naomh Moire ann am Beinn na Fadhla.  Chomharraich e leth-cheud bliadhna na shagart ann an 2020 agus leig e dheth a dhreuchd mar shagart-paraiste ann an 2021. Thill Mgr Cailean air ais a-null a dh'Ecuador aig deireadh na bliadhna an-uiridh, thathar an dùil gun till e air ais a dh'Alba ann an ùine gun a bhith fada..

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Dèanamaid Adhradh

Mgr Cailean MacAonghais le seirbheis Là nam Màthraichean

Genres

Brand

BBC Radio nan Gàidheal

About BBC Radio nan Gàidheal