BBC Radio nan Gàidheal

Sruth an Eòlais

Factual

Sruth an Eòlais 1

Sreath a' comharrachadh 70 bliadhna de Sgoil Eòlais na h-Alba, 1951-2021.

Sreath a' comharrachadh 70 bliadhna de Sgoil Eòlais na h-Alba, 1951-2021. Series marking 70 years of the School of Scottish Studies, 1951-2021.

Sruth an Eòlais: Puirt-a-beul

Puirt-a-beul

BBC Radio nan Gàidheal - Sruth an Eòlais, Puirt-a-beul

Cuid de na puirt-a-beul a tha taisgte aig Sgoil Eòlais na h-Alba an Dùn Èideann.

Mòrag Nicleòid à Sgalpaigh 's Iain Seathach à Ceap Breatainn le taghadh de phuirt-a-beul. Morag Macleod and John Shaw bring us some mouth music from the School of Scottish Studies.

Fad na bliadhna seo tha sinn a' comharrachadh 70 bliadhna bho chaidh Sgoil Eòlais na h-Alba a stèidheachadh aig Oilthigh Dhùn Èideann. Tron bhliadhna, cluinnidh sinn taghaidhean de chuid de na chaidh a chlàradh le luchd-cruinneachaidh na Sgoile, a' mhòr chuid dheth sna 50an agus na 60an, bho dhaoine a bh' air am bogadh ann an dualchas agus beul-aithris na Gàidhlig. Chaidh an t-sreath sa a chraoladh an toiseach nuair a bha an Sgoil a' comharrachadh 50 bliadhna ann an 2001.

'S e seanchas mu chuid de na puirt-a-beul a chaidh a chruinneachadh leis an Sgoil  a th' aig Mòrag Nicleòid à Sgalpaigh agus am fidhlear, Iain Seathach à Ceap Breatainn, a bha le chèile ag obair sa Sgoil, dhuinn a seo. 

Tha còmhradh aca an toiseach mun phort 'The High Road to Linton', a tha Seumas Dòmhnallach agus Dòmhnall Dòmhnallach à Lochabar a' cluich air an fhidheall agus a tha Calum MacIllEathain à Tiriodh a' seinn ann an Gàidhlig,  agus an liuthad ainm eile air a bheil e aithnichte agus na facail eadar-dhealaichte a th' air an òran air gach taobh den chuan. 
 
A thuilleadh air a sin, tha puirt aca air an togail an Àrasaig, am Muile, an Uibhist a Tuath, an Aichillidh Bhuidhe, am Malaig, a Leòdhas agus san Eilean Sgitheanach.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Sruth an Eòlais

Puirt-a-beul

Genres

Brand

BBC Radio nan Gàidheal

About BBC Radio nan Gàidheal