BBC Radio nan Gàidheal

Sruth an Eòlais

Factual

Sruth an Eòlais 1

Sreath a' comharrachadh 70 bliadhna de Sgoil Eòlais na h-Alba, 1951-2021.

Sreath a' comharrachadh 70 bliadhna de Sgoil Eòlais na h-Alba, 1951-2021. Series marking 70 years of the School of Scottish Studies, 1951-2021.

Sruth an Eòlais: Laoidhean is Dàin Spioradail

Laoidhean is Dàin Spioradail

BBC Radio nan Gàidheal - Sruth an Eòlais, Laoidhean is Dàin Spioradail

An Dr Iain MacAonghais a' coimhead ri laoidhean agus dàin spioradail.

An Dr Iain MacAonghais a' coimhead ri laoidhean agus dàin spioradail. Dr John MacInnes brings us a collection of hymns recorded by fieldworkers from the School of Scottish Studies.

Fad na bliadhna seo tha sinn a' comharrachadh 70 bliadhna bho chaidh Sgoil Eòlais na h-Alba a stèidheachadh aig Oilthigh Dhùn Èideann. Tron bhliadhna, cluinnidh sinn taghaidhean de chuid de na chaidh a chlàradh le luchd-cruinneachaidh na Sgoile, a' mhòr chuid dheth sna 50an agus na 60an, bho dhaoine a bh' air am bogadh ann an dualchas agus beul-aithris na Gàidhlig. Chaidh an t-sreath sa a chraoladh an toiseach nuair a bha an Sgoil a' comharrachadh 50 bliadhna ann an 2001.

A seo tha an Dr Iain MacAonghais a' coimhead ri laoidhean agus dàin spioradail.  

Cluinnidh sinn aige an t-Urr Alasdair MacPhàrlain, à bha na mhinistear an Cille Mhoire san Eilean Sgitheanach, leis an laoidh, 'Anns an t-Siorraidheachd a Dh'fhalbh', agus Fanaidh NicÌosaig à Beinn na Fadhla a' gabhail laoidh a rinn Sìleas na Ceapaich, 'Laoidh Moire'.  Tha laoidh aige a rinn Iain Moireasdan,  Gobha na Hearadh, 'Tha duin’ òg is seann duine' air a sheinn le Tormod Conaigean à Sgalpaigh agus tha a' bhean-phòsta Nic an t-Saoir à Muile a' toirt thugainn 'Dhùisg mo mhàthair le gaoir'.  

Ann an taobh Sear Thròndairnis san Eilean Sgitheanach tha Murchadh Mac a' Phearsain a' gabhail 'Tha sgìre Shniòsort fo bhròn' a chaidh a dhèanamh an dèidh bàs Mhgr Ruaraidh, ministear ainmeil san Eaglais Shaor agus aig Dòmhnall Moireasdan à Àrd Tunna a Muile tha laoidh a bhuineas dhan sgìre sin, air a sgrìobhadh le Màiri Dhòmhnallach, Leanabh an Àigh. 	

Aig Flòraidh NicDhùghaill à Uibhist a Deas, ach a bha fuireach am Barraigh, tha 'Laoidh na Nollaige' a rinn Mgr Ailean Dòmhnallach a bha na shagairt an Èirisgeidh agus aig Iain Robasdan à Muile tha, 'Latha a’ Bhreitheanais' aig Dùghall Bochanan. Ann a Leòdhas cluinnidh sinn Murdina NicDhòmhnaill à Bail' an Truiseil, a chlàr Torcuil Knudsen agus a rinn moladh mòr air a cuid seinn, a' gabhail 'Tha Do Rìoghachd làn de Ghlòir'.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Sruth an Eòlais

Laoidhean is Dàin Spioradail

Genres

Brand

BBC Radio nan Gàidheal

About BBC Radio nan Gàidheal