Dèanamaid Adhradh

Original version

BBC Radio nan Gàidheal

Religion & Ethics

Adhradh is seirbhisean-eaglaise. Acts of worship and church services

Adhradh is seirbhisean-eaglaise. Acts of worship and church services.

Dèanamaid Adhradh: An t-Urr Iain MacAsgaill, Eaglais Shaor Shruighlea

An t-Urr Iain MacAsgaill, Eaglais Shaor Shruighlea

BBC Radio nan Gàidheal - Dèanamaid Adhradh, An t-Urr Iain MacAsgaill, Eaglais Shaor Shruighlea

Seirbheis Ghàidhlig còmhla ris an Urr Iain MacAsgaill, Eaglais Shaor Shruighlea.

Seirbheis Ghàidhlig còmhla ris an Urr Iain MacAsgaill, Eaglais Shaor Shruighlea.   Gaelic religious service conducted by Rev Iain MacAskill, Stirling Free Church.

Anns an t-seirbheis cluinnidh sibh na sailm is an leughadh a leanas:
Salm 107:  1-2 air fonn Kilmarnock agus ‘s e Dòmhnall Iain MacIllFhinnein a tha os cionn na seinn agus Salm 103:  3-4 air fonn Stornoway agus ‘s e Iain Dòmhnallach a tha os cionn na seinn.   Chaidh an dà shailm sin a chlàradh ann an Eaglais na h-Alba ann an Loch nam Madadh.
Salm 122:	7-9 air fonn New Cambridge agus ‘s e Aonghas Dòmhnallach a tha os cionn na seinn le taic bho choitheanal Seamanaraidh na h-Eaglaise Saoire  ann an Steòrnabhagh.

Leughadh:		Philipianaich 4: 4-9
Ceann-teagaisg:	Philipianaich 4: 4-9


Rugadh an t-Urr MacAsgaill ann an Dalabrog, Uibhist a Deas agus chaidh a thogail ann an Loch nam Madadh. Mus deach Iain a-staigh airson a bhith na mhinistear, bhiodh e a' cur fàilte chridheil air luchd-siubhail a' tighinn 's a' falbh aig Port-adhair Bheinn na Fadhla far an robh e ag obair aig BA airson trì bliadhna deug.

B' ann ann an 1997 a thòisich e a' searmonachadh ann an Uibhist agus chaidh Eaglais Shaor a stèidheachadh sa Cheann a Deas ann an Loch Baghasdail. Bha an coitheanal aige air leudachadh thar nam bliadhnaichean agus bha tòrr òigridh a' frithealadh nan seirbheisean. Bha Iain ann an Uibhist airson dusan bliadhna agus thairis air an ùine sin stèidhich e Urras a' Chala airson cuideachadh le daoine a bha a' fulang le trioblaidean dibhe. Tha e fhathast na chathraiche air an urras ged nach eil e a' fuireach anns a' sgìre.

Bha an t-Urr MacAsgail còrr air ceithir bliadhna ann an Ros Cuithne, 's an eaglais eadar Alanais agus Inbhir Gòrdain agus bha mu 250 anns a' choitheanal aige. A bharrachd air obair na paraiste, bha obair chudromach eile aige agus e os cionn cùram spioradail Sgioba Ball-coise Ross County. Ged a tha e air an sgìre fhàgail agus a-nise stèidhichte ann an Sruighlea, tha e fhathast a' coimhead às dèidh feumalachdan spioradail na sgioba. Tha e cuideachd na iar-chathraiche air Bòrd na h-Eaglaise Saoire airson obair eadar-nàiseanta agus na bhall de dh'Ùghdarras Ministearan Moldova.

Tha Iain pòsta aig Ann agus tha aon nighean aca, Kathryn. Tha ùidh mhòr aige ann am ball-coise agus ann an ceòl, 's luchd-ciùil, leithid Van Morrison, Bob Dylan agus Johnny Cash gu mòr a' còrdadh ris.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Dèanamaid Adhradh

An t-Urr Iain MacAsgaill, Eaglais Shaor Shruighlea

Genres

Brand

BBC Radio nan Gàidheal

About BBC Radio nan Gàidheal