BBC Radio nan Gàidheal

Sruth an Eòlais

Factual

Sruth an Eòlais 1

Sreath a' comharrachadh 70 bliadhna de Sgoil Eòlais na h-Alba, 1951-2021.

Sreath a' comharrachadh 70 bliadhna de Sgoil Eòlais na h-Alba, 1951-2021. Series marking 70 years of the School of Scottish Studies, 1951-2021.

Sruth an Eòlais: An Ros Mhuileach agus Eilean Ì

An Ros Mhuileach agus Eilean Ì

BBC Radio nan Gàidheal - Sruth an Eòlais, An Ros Mhuileach agus Eilean Ì

Màiri NicArtair a' taghadh às na thog Sgoil Eòlais na h-Alba às an Ros Mhuileach 's Ì.

Màiri NicArtair a' taghadh às na thog Sgoil Eòlais na h-Alba às an Ros Mhuileach 's Eilean Ì. The historian Mairi MacArthur introduces material from the Ross of Mull and Iona.

Fad 2021 tha sinn a' comharrachadh 70 bliadhna bho chaidh Sgoil Eòlais na h-Alba a stèidheachadh aig Oilthigh Dhùn Èideann. Tron bhliadhna, cluinnidh sinn taghaidhean de chuid de na chaidh a chlàradh le luchd-cruinneachaidh na Sgoile, a' mhòr chuid dheth sna 50an agus na 60an, bho dhaoine a bh' air am bogadh ann an dualchas agus beul-aithris na Gàidhlig. Chaidh an t-sreath sa a chraoladh an toiseach nuair a bha an Sgoil a' comharrachadh 50 bliadhna ann an 2001.

A seo tha an t-eachdraiche Màiri NicArtair a' dèanamh taghadh pearsanata às na thog Sgoil Eòlais na h-Alba à sgire a teaghlaich,  An Ros Mhuileach agus Eilean Ì.  

Am measg na chluinneas sinn tha Anna Ghreumach à Cnocan, faisg air Bun Easain am Muile le Òran don Ros Mhuileach agus Sìne Gibson, a chaidh a thogail còmhla ri teaghlach Anna, le eachdraidh na maighdinn-bhuana. Tha na bràithrean Eoghann agus Donnchadh MacLaomain à Peighinn nan Gàidheal sa Ros Mhuileach a' gabhail Triath Dhubhairt a chaidh a dhèanamh do Chlann 'IllEathain Dhiubhairt agus Òran do Thighearna Locha Buidhe.  Gheibh sinn an aibidil Ghàidhlig agus sgeulachd Clach a’ Bhainne bho Dhùghall MacCarmaig à Fionnphort  agus sgeualchd mu laoch Ceilteach, Fraoch agus mu fhear aig an robh leannan sìthe bho Dhòmhnall MacPhàrlain à Dearg Phort.  Innsidh Dòmhnall Moireasdan à Ard Tunna mun chiad daoine a thàinig a Mhuile à Èirinn,  bheir Iain Caimbeul, Seonaidh Chailein a rugadh an Eilean Ì dhuinn fios dhuinn mun Factor Mòr agus bheir Pàdraig MacAonghais,  cuideachd à Eilean Ì,  dhuinn òran a rinn Seumas mac Phàraig nuair a ràinig e na West Indies.

Mu dheireadh gheibh sinn pìobaireachd, Lady MacLeod of Iona,  a rinn Calum Mac a' Phearsain à Bun Easain do bhean An Urr Seòras Macleòid a bha os cionn ath-leasachadh Àrd-eaglais Eilean Ì, air a chluich le Calum fhèin.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Sruth an Eòlais

An Ros Mhuileach agus Eilean Ì

Genres

Brand

BBC Radio nan Gàidheal

About BBC Radio nan Gàidheal