BBC Radio nan Gàidheal

Sruth an Eòlais

Factual

Sruth an Eòlais 1

Sreath a' comharrachadh 70 bliadhna de Sgoil Eòlais na h-Alba, 1951-2021.

Sreath a' comharrachadh 70 bliadhna de Sgoil Eòlais na h-Alba, 1951-2021. Series marking 70 years of the School of Scottish Studies, 1951-2021.

Sruth an Eòlais: An Tional leis an Dr Iain MacAonghais

An Tional leis an Dr Iain MacAonghais

BBC Radio nan Gàidheal - Sruth an Eòlais, An Tional leis an Dr Iain MacAonghais

Taghadh de chlàraidhean à Sgoil Eòlais na h-Alba leis an Dr Iain MacAonghais.

Taghadh de chlàraidhean à Sgoil Eòlais na h-Alba leis an Dr Iain MacAonghais. Dr John Macinnes with a selection of recordings from the School of Scottish Studies.

Fad 2021 tha sinn a' comharrachadh 70 bliadhna bho chaidh Sgoil Eòlais na h-Alba a stèidheachadh aig Oilthigh Dhùn Èideann. Tron bhliadhna, cluinnidh sinn taghaidhean de chuid de na chaidh a chlàradh le luchd-cruinneachaidh na Sgoile, a' mhòr chuid dheth sna 50an agus na 60an, bho dhaoine a bh' air am bogadh ann an dualchas agus beul-aithris na Gàidhlig. Chaidh an t-sreath sa a chraoladh an toiseach nuair a bha an Sgoil a' comharrachadh 50 bliadhna ann an 2001. 

Anns An Tional, còmhla ris an sgoilear cliùiteach an Dr Iain MacAonghais, a bha 30 bliadhna ag obair sa Sgoil a' cruinneachadh beul-aithris agus a' teagasg, cluinnidh sinn, am measg rudan eile, clàraidhean à sgìrean far nach eil a' Ghàidhlig ach glè thearc an-diugh air crìochan na seann Ghàidhealtachd - sgeulachd mu Chailleach Beinn a’ Bhric agus Iain MacIlleMhaoil, Iain Mòr na Cruaich, à Cruaich Rannach eadar ceann Loch Rannach agus Taigh a’ Rìgh, dha h-innse;  Iain Beag Dòmhnallach à Aonachan Lochabar le sgeulachdan mu Rìgh Raibeart am Brusach agus sgeulachd Maol Ìosa agus a' Chiste bho Iain Robasdan às an t-Seasgain ann an Eilean Arain.  

Am measg nan òran, gheibh sinn Ged is Sochrach mo Leabaidh a rinn An Ciaran Mabach air a ghabhail le Iain MacIllFhinnein air a’ Leitir mu choinneamh Ulapul; Cumha Ghriogair à Siorrachd Pheairt air a sheinn le Crìsdean MacDhòmhnaill;  Alasdair Boidhd à Àrd na Mònadh san Iochdair le puirt-a-beul agus dà cheathramh den òran An-diugh, An-diugh gur Reusantach, a rinneadh le Rob Donn nuair a rugadh am Prionnsa Teàrlach ann a 1720, air a sheinn le Dòmhnall S MacAoidh à Dùthaich MhicAoidh.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Sruth an Eòlais

An Tional leis an Dr Iain MacAonghais

Genres

Brand

BBC Radio nan Gàidheal

About BBC Radio nan Gàidheal