BBC Radio nan Gàidheal

Sruth an Eòlais

Factual

Sruth an Eòlais 1

Sreath a' comharrachadh 70 bliadhna de Sgoil Eòlais na h-Alba, 1951-2021.

Sreath a' comharrachadh 70 bliadhna de Sgoil Eòlais na h-Alba, 1951-2021. Series marking 70 years of the School of Scottish Studies, 1951-2021.

Sruth an Eòlais: Guthan mo Chàirdean le Essie Stiùbhart

Guthan mo Chàirdean le Essie Stiùbhart

BBC Radio nan Gàidheal - Sruth an Eòlais, Guthan mo Chàirdean le Essie Stiùbhart

Na chlàr seanair Essie Stiùbhart, Ali Dall, agus a màthair Màiri, a bha nan luchd-siubhail

Na chlàr seanair Essie Stiùbhart, Ali Dall, agus a màthair Màiri, a  bha nan luchd-siubhail. Recordings from the rich heritage of Essie Stewart's family of travelling people.

Fad 2021 tha sinn a' comharrachadh 70 bliadhna bho chaidh Sgoil Eòlais na h-Alba a stèidheachadh aig Oilthigh Dhùn Èideann. Tron bhliadhna, cluinnidh sinn taghaidhean de chuid de na chaidh a chlàradh le luchd-cruinneachaidh na Sgoile, a' mhòr chuid dheth sna 50an agus na 60an, bho dhaoine a bh' air am bogadh ann an dualchas agus beul-aithris na Gàidhlig. Chaidh an t-sreath sa a chraoladh an toiseach nuair a bha an Sgoil a' comharrachadh 50 bliadhna ann an 2001. 

Tha Essie Stiùbhart a’ toirt thugainn taghadh de na chlàr a seanair Ali Dall, a rugadh ann a 1882 aig Albhain, baile beag deich mìle à Ulapul, agus den a chlàr a màthair, Màiri. Rugadh Essie an Edderton agus thogadh i còmhla ris an teaghlach Stiùbhart ann an Luirg. 'S e luchd-siubhail a bh' annta a bh' air a' rathad bhon Chàisg gu faisg air Oidhche Shamhna.

Bha a seanair Ali Dall sònraichte math air sgeulachdan, air a’ phìob agus air seinn. Thàinig Hamish Henderson bho Sgoil Eòlais na h-Alba dha chlàradh an toiseach ann an 1955 agus ann an 1957 bha e còmhla riutha fad an t-samhraidh;  'duine mòr is bogsa beag’,  mar a thuirt a co-ogha mu dheidhinn. Fhuair e inneal clàraidh a bha ag obrachadh leis an dealan agus bhiodh iad a’ clàradh ann an taighean-òsta. Lean  Hamish  agus an t-Ameireaganach Bobby Botsford an teaghlach tro Chataibh a' clàradh aca a h-uile  là.  

Bhàsaich màthair Essie, Màiri Stiùbhart, neo Micky mar a bh’ aig a h-uile duin’ oirre, agus i òg. Cluinnidh sinn i ag innse sgeulachd mu Rìgh na Fràinge a' lorg iteag òir. 

Aig Ali Dall cluinnidh sinn Ruidhleadh Cailleach Eachainn Mhòir,  Turas Dhòmhnaill a Ghlaschu agus òran a rinn Rob Donn, Briogais Ruairidh. Gheibh sinn cuideachd criomag de stòiridh Oisein agus puirt air a' phìob.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Sruth an Eòlais

Guthan mo Chàirdean le Essie Stiùbhart

Genres

Brand

BBC Radio nan Gàidheal

About BBC Radio nan Gàidheal