BBC Radio nan Gàidheal

Dealan-dè

Discussion & Talk

Entertainment

Maicreafòn

Còmhradh bho thasglann Dealan-dè. A conversation from the Dealan-dè archive.

Dealan-dè: Banaltramachd aig muir

Banaltramachd aig muir

BBC Radio nan Gàidheal - Dealan-dè, Banaltramachd aig muir

Màiri NicDhòmhnaill a bha na banaltram air an QE2 agus an Queen Mary.

Màiri NicDhòmhnaill a bha na banaltram air  an QE2 agus an Queen Mary.  Mary Macdonald tells of her life as a nurse on board the QE2 and the Queen Mary in the 1960s and 70s.

‘S beag a dh’fhor a bh’ aig Màiri NicDhòmhnaill agus i air ais ‘s air adhart tarsainn a' Chuain Sgìth air a’ Lochmòr na h-òige,  gun cuireadh i seachad bliadhnachan dha beatha obrach fhèin air bàtaichean tòrr nas motha, a’ seòladh air cuantan mòran nas fharsainge agus gu faiceadh i iomadh ceàrnaidh agus annas air feadh an t-saoghail.

‘S ann às an Eilean Sgiathanach a bha Màiri. B' e tè de chlann ‘ic Phàil à Loch Eùphort ann an Uibhist a Tuath a bha na màthair, Màiri Anna. ‘ S ann à Port nan Long anns an Eilean a bha h-athair, Calum, mac Aonghais Chaluim an Èipihitich a bha, coltach ri gu leòr eile aig an àm, air tighinn a-nall às na Hearadh ann a 1924 nuair a chaidh fearann a thabhainn dhaibh ann am Port nan Long.

Bha ceathrar chloinne aig Calum is Màiri Anna -  Màiri, càraid nighean ,Nan agus Mabel,  agus aon ghille Aonghas.  Bha Calum fhèin aig muir, bha e greis mhath na sgiobair air an 'Torlundy' , a' gheat  aig an fhear-gnothach beartach, Iòsaph Hobbs,  a bha air caisteal agus oighreachd Inbhir Lòchaidh a cheannach ann a 1944. Bha  dachaigh an teaghlaich anns an Àth Leathann ach bha iad eòlach gu leòr air a bhith a-null ‘s a-nall à Uibhist  a’ tadhal air cuideachd am màthair ann a Loch Eùphort.

Cha robh e na annas ma tha gu robh taobh aig a h-uile duine aca ris a' mhuir  ach nuair a  dh' innis Màiri dha h-athair na bha na beachd, thug e comhairle dhith. Sin a dh’fhàg i togal oirre a Ghlaschu aig aois 18 airosn trèanadh bhith na banaltram.

A seo tha i ag innse do Mhairead NicIllFhinnein ann a 1989 mar  a chaidh i gu muir, a' seòladh air soithichean leithid an QE2 agus an Queen Mary air ais 's air adhart à  New York le iomadach duine ainmeil air bòrd.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Dealan-dè

Banaltramachd aig muir

Genres

Brand

BBC Radio nan Gàidheal

About BBC Radio nan Gàidheal