BBC Radio nan Gàidheal

Dealan-dè

Discussion & Talk

Entertainment

Maicreafòn

Còmhradh bho thasglann Dealan-dè. A conversation from the Dealan-dè archive.

Dealan-dè: Air tòir a' Bhismarck

Air tòir a' Bhismarck

BBC Radio nan Gàidheal - Dealan-dè, Air tòir a' Bhismarck

Dithis à Lèodhas a bh' air bòrd soithichean a chur am Bismarck fodha san Dàrna Cogadh.

Dithis à Lèodhas a bh' air bòrd soithichean a chur am Bismarck fodha san Dàrna Cogadh.  Catriona Johnston speaks to two crewmen who were on the ships which sank the Bismarck.

B' e am Bismarck soitheach cogaidh cho ainmeil 's a bh' aig na Gearmailtich san Dàrna Cogadh. Thòisichear ga togail ann a Hamburg ann an 1936 agus a chaidh a’ cur air bhog trì bliadhna às dèidh sin. Bha i cumhachdach anns a h-uile dòigh. Bha i còrr is 800 troigh a dh’fhaid, comasach air siubhail aig beagan is 30 mìle-mara san uair agus armaichte le ochd gunnaichean mòra. 

Bha amas sònraichte aig a' Bhismarck agus sin gach bàta bathair is eile a bha a’ frithealadh Bhreatainn a chur fodha.

Air 21mh den Chèitean 1941 chunnaic plèanaichean Breatannach gu robh am Bismarck aig muir far costa Bergen, Nirribhidh agus chaidh cha mhòr gach bàta-cogaidh sa Chabhlach Rìoghail sa spot air a tòir. Trì latha às dèidh sin lorg dà chrùsair, an HMS Hood agus HMS Prince of Wales, i far costa Innis-Tìle. Ged a bha a Hood mòr cumhachdach i fhèin, bha i còrr is fichead bliadhna nas sinne na am Bismarck agus às dèidh batal brùideil chuir am Bismarck a Hood fodha.  Cha deach a shàbhaladh ach triùir a-mach as na còrr air 1400 a bh’ air bòrd. 

Bha a’ Chabhlach Rìoghail a-nis air fad às dèidh a' Bhismarck agus air feasgar 26mh den Chèitean lorg an crùsair HMS Sheffield i agus thòisich iad ri leantainn. Bha na bàtaichean-cogaidh HMS King George V  agus HMS Rodney a’ teannadh faisg cuideachd agus mu dheireadh, an ath mhadainn, às dèidh dha na trì bataichean milleadh mòr a dhèanamh oirre chaidh am Bismarck a chur fodha.

An-diugh tha Catrìona NicIain a' cluinntinn bho dhithis à Lèodhas a bh' air bòrd nan soithichean sin  - Anndra MacÌomhair à Tolastadh bho Thuath, a bha ri obair radar, a bh’ air bòrd HMS Sheffield agus Dòmhnall Macleòid, Dòmhnall Shamsoin à Suaineabost, Nis a bh' air HMS Rodney.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Dealan-dè

Air tòir a' Bhismarck

Genres

Brand

BBC Radio nan Gàidheal

About BBC Radio nan Gàidheal