Dèanamaid Adhradh

Original version

BBC Radio nan Gàidheal

Religion & Ethics

Adhradh is seirbhisean-eaglaise. Acts of worship and church services

Adhradh is seirbhisean-eaglaise. Acts of worship and church services.

Dèanamaid Adhradh: An t-Urr Dòmhnall Dòmhnallach, an Eaglais Shaor

An t-Urr Dòmhnall Dòmhnallach, an Eaglais Shaor

BBC Radio nan Gàidheal - Dèanamaid Adhradh, An t-Urr Dòmhnall Dòmhnallach, an Eaglais Shaor

Còmhla ris an Urr D Dòmhnallach, a bha na mhinistear air Eaglais Shaor Cheann Loch.

Còmhla ris an Urr Dòmhnall Dòmhnallach, a bha na mhinistear air Eaglais Shaor Cheann Loch.  Gaelic service with Rev Donald MacDonald, former minister Kinloch Free Church.

Anns an t-seirbheis cluinnidh sibh na sailm agus  an leughadh a leanas:
Salm 09:   7-10 air fonn New Cambridge agus ‘s e D R Dòmhnallach a tha os cionn na seinn le taic bho choitheanal Seamanaraidh na h-Eaglaise Saoire ann an Steòrnabhagh.
Salm 60:  3-4 air fonn Coleshill agus 's e an t-Urr Niall Seathach a tha os cionn na seinn bhon chlàr Seinn Salm à Leòdhas.
Psalm 34: 18-19 air fonn Dundee agus ‘s e an t-Urr Raghnall Moireasdan a tha os cionn na seinn le taic bho choitheanal Eaglais Shaor Crow Road ann an Glaschu.

Leughadh:  Salm 119: 65-76
Ceann-teagaisg  Salm 119: 71

Rugadh an t-Urr Dòmhnall Dòmhnallach ann an sgìre nan Loch ann an Leòdhas ann an 1948. An dèidh dha am bun-sgoil fhàgail chaidh e gu ruige Àrd-sgoil MhicNeacail agus às a sin airson ùine ghoirid gu Oilthigh Obair Dheathain. Thill e air ais gu Eilean Leòdhais far an robh e ag obair aig Banca Rìoghail na h-Alba airson còrr air dusan bliadhna.

Ann an 1982 chaidh e gu Colaiste na h-Eaglaise Saoire ann an Dùn Èideann agus thug e mach dreuchd ministear anns a' Chèitein 1985. Chaidh Mgr Dòmhnallach a phòsadh ri coitheanal Chille Mhoire agus Steinnseal san Lùnastal a' bhliadhna sin agus bha e an sin airson trì bliadhna deug. Chuir coitheanal Eaglais Shaor Cheann  Loch gairm thuige agus thàinig e na mhinistear air a' choitheanal sin ann an 1998 far an robh e gus an do leig e dheth a dhreuchd.


Tha Mgr Dòmhnallach pòsta aig Cairistìona bhon a' Bhac agus tha triùir bhalach aca - Dòmhnall, Derick agus Seumas. Nuair a gheibh e beagan ùine dha fhèin is caomh leis a bhith falbh le slat a dh'iasgach. Tha e a' còrdadh ris a bhith a' leughadh agus tha ùidh mhòr aige ann a bhith a' peantadh 's a' cur air dòigh an taighe. Na òige, nuair a bha e ag obair anns a' bhanca, chuir e eòlas air peantair a dh'ionnsaich tòrr dha mun obair agus cha do dhìochuimhnich e riamh na tips a fhuair e bhuaithe!

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Dèanamaid Adhradh

An t-Urr Dòmhnall Dòmhnallach, an Eaglais Shaor

Genres

Brand

BBC Radio nan Gàidheal

About BBC Radio nan Gàidheal