BBC Radio Cymru

Cofio

Factual: Arts, Culture & the Media

Archif, atgof a chân yng nghwmni John Hardy.

Archif, atgof a chân yng nghwmni John Hardy. A visit to the Radio Cymru archive with John Hardy.

Cofio: Cofio

BBC Radio Cymru - Cofio, Cofio

Cofio dyddiau ysgol, drwy sgwrs atgof a chân.

Fe awn ni a chi nôl i ddyddiau ysgol drwy sgwrs, atgof a chân, yng nghwmni John Hardy. Another visit to the Radio Cymru archive with John Hardy. We're taking you back to school!

Wrth i’r plant ddychwelyd yn raddol i’r ysgol dros yr wythnosau nesaf, fe awn ni a chi yn ôl i ddyddiau plentyndod drwy brocio’r cof drwy sgwrs, atgof a chân. 

Huw Llywelyn Davies sy’n dechrau drwy roi testun “Yr Athro” i Ifan Gruffydd ag Euros Lewis yn y rhaglen Dros Ben Llestri nol yn 1994. Yn 1985 fe aeth Hywel Teifi Edwards yn ôl i’w hen ysgol yn Aberaeron i sgwrsio â’r disgyblion presennol. Aiff Eiryth William a ni yn ôl i gyfnod yr ail ryfel Byd yn Nhrelech, lle'r oedd dulliau disgyblu dipyn mwy llym. Llym a chaled yw atgofion yr awdur R Gerallt Jones o’i amser mewn ysgol breswyl yn Yr Amwythig, sail i’w waith Joni Jones wrth gwrs.

Fel rhan o Brosiect y Mileniwm Radio Cymru nol yn 1999 fe rannodd Ifor Theophilus Williams, Dr Gareth Williams a John Ellis Morris eu hatgofion o ddyddiau ysgol. Beth am y rhai oedd yn dysgu ein hathrawon? Clywn Mati Rees a Norah Isaac, y ddwy yn ddarlithwyr addysg blaenllaw yn sôn am eu profiadau hwythau yn yr ysgol, a’r effaith a’u cafodd arnynt. Roedd eu cyfraniad i addysg Gymraeg yn amhrisiadwy, fel oedd un Miss Olwen Williams, prifathrawes gyntaf Ysgol Dewi Sant Llanelli, yr ysgol Gymraeg a agorwyd dan ofal yr awdurdod lleol, a hynny yn 1947.

Roedd yna dipyn o hwyl i gael hefyd. Eirian Davies sy’n sgwrsio â John Roberts am ei daith i’r ysgol ramadeg ar y trên o Nantgaredig, tra bo’ plant bach Llanfyllin wrth eu boddau yn dangos sut y maent yn dysgu trwy adrodd a chanu, ac mae 'na hyd yn oed cân i helpu’n cyfri gan Leah Owen.. Er ei rwgnach, mae hyd yn oed cymeriad crintachlyd Stuart Jones, Ifas Y Tryc yn codi gwên wrth sôn am addysg.

Felly canwch y gloch, ‘steddwch i lawr a mwynhewch y wers!

Mae Radio Cymru wedi bod yn darlledu rhaglenni ers 1977. Radio Cymru has been broadcasting to the nation since 1977.

BBC Radio Cymru 2

Ail wasanaeth BBC Radio Cymru sy'n cynnig sioe frecwast bob bore'r wythnos.

Accessibility links

Programme Index

Cofio

Cofio

Genres

Brand

BBC Radio Cymru

About BBC Radio Cymru