BBC Radio nan Gàidheal

Dealan-dè

Discussion & Talk

Entertainment

Maicreafòn

Còmhradh bho thasglann Dealan-dè. A conversation from the Dealan-dè archive.

Dealan-dè: Criosaidh Steele sna h-Innseachan

Criosaidh Steele sna h-Innseachan

BBC Radio nan Gàidheal - Dealan-dè, Criosaidh Steele sna h-Innseachan

Criosaidh Steele ag innse mun ùine a chuir i seachad sna h-Innseachan sna 1930an.

Criosaidh Steele à Sgalpaigh ann an còmhradh ri Ceitidh Anna NicChoinnich. Chrissie Steele in conversation with Katie Ann MacKenzie.

B’ ann san Lùnastal 1989 a fhuair Ceitidh Anna NicChoinnich fios gun robh Criosaidh Steele - no Ciorstag Bheag a’ Bhùidsear a bha a’ fuireach ann an Methven faisg air Peairt - air làithean-saora anns na Hearadh, ‘s gun robh còir aice a dhol air chèilidh oirre oir gun robh sgeulachd aice ri innse,  ‘s abair gun robh!

'S ann ann a 1912 a rugadh Ciorstag, nighean Ruairidh 'an Bhreabadair agus b' i Càiristiona Chaluim Phìobaire a bu mhàthair dhi, 's iad le chèile à Sgalpaigh.
B’ e bùidsear bh’ ann a Ruairidh ’s bha bùth aige aig a’ bhaile. Bha teaghlach mòr aca, triùir chlann-nighean agus còignear mhac, agus b' i Ciorstag bheag an siathamh duine san teaghlach. 

Às dèidh dhi Sgoil Sgalpaigh fhàgail aig aois ceithir bliadhna deug, dh’fhuirich i aig an taigh còmhla ri a pàrantan airson dhà no trì bhliadhnaichean.
B' ann nuair  a bha i ag obair an Ospadal Arascain a bha i ann a  1935, nuair a nochd sanas ann am fear de phàipearan Ghlaschu,  agus càraid a’ lorg banaltram-teaghlaich a dheigheadh a-null dha na h-Innseachan còmhla riutha airson coimhead às dèidh an dithis chloinne aca. 

Cluinnidh sinn mar a chaidh dhi sna h-Innseachan, mar a thachair às dèidh dhi tilleadh agus i air ùr-phòsadh agus a beatha às dèidh sin.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Dealan-dè

Criosaidh Steele sna h-Innseachan

Genres

Brand

BBC Radio nan Gàidheal

About BBC Radio nan Gàidheal