Dèanamaid Adhradh

Original version

BBC Radio nan Gàidheal

Religion & Ethics

Adhradh is seirbhisean-eaglaise. Acts of worship and church services

Adhradh is seirbhisean-eaglaise. Acts of worship and church services.

Dèanamaid Adhradh: An t-Urr Calum MacLeòid, Eaglais Shaor Shiaboist

An t-Urr Calum MacLeòid, Eaglais Shaor Shiaboist

BBC Radio nan Gàidheal - Dèanamaid Adhradh, An t-Urr Calum MacLeòid, Eaglais Shaor Shiaboist

Còmhla ris an Urr Calum MacLeòid, Eaglais Shaor Shiaboist an Eilean Leòdhais.

Còmhla ris an Urr Calum MacLeòid, Eaglais Shaor Shiaboist an Eilean Leòdhais. Gaelic religious service conducted by Rev Callum MacLeod, Shawbost Free Church, Isle of Lewis.

Anns an t-seirbheis cluinnidh sibh na sailm agus an leughadh a leanas:
Salm 103: 1-2 air fonn Dundee agus ‘s e an t-Urr Niall Seathach a tha os cionn na seinn le taic bho choitheanalan eaglaisean Leòdhais agus na Hearadh.
Salm 51: 9-11 air fonn Kilmarnock agus ‘s e an t-Urr Seumas MacÌomhair a tha os cionn na seinn le taic bho choitheanal Eaglais Shaor Chille Bhrìde an Ear.
Salm 130: 7-8 air fonn Walsall agus ‘s e Coinneach M MacLeòid a tha os cionn na seinn le taic bho choitheanal Eaglais Shaor Steòrnabhaigh.

Leughadh:		Sechariah 12: 6-14 & 13:1 
Ceann-teagaisg:		Sechariah 12: 10      


'S ann do bhaile Shuardail san Rubha a bhuineas an t-Urramach MacLeòid. Chaidh oideachadh ann am Bun-sgoil a' Chnuic agus ann an Àrd-sgoil MhicNeacail. Às dèidh dha an sgoil fhàgail ann an 1974, thòisich e ag obair cuide ri Post Office Telephones, mar a bha orra mus do dh'atharraich iad gu British Telecom agus gu BT mar as eòlaich sinn orra an-diugh.

Thàinig an t-Urramach MacLeòid gu bhith na bhall den Eaglais Shaor san Rubha aig deireadh na seachdadan. Bha e cuideachd a' teagaisg ann an Sgoil Shàbaid, na dheacon agus an uair sin na èildeir anns a' choitheanal.

Phòs e fhèin agus a bhean Catherine ann an 1981 agus tha dithis mhac aca, Graeme agus Stuart.

Dh'fhàg e BT ann an 1997 agus chaidh e a-staigh airson na ministearalachd, a' tilleadh gu fòghlam ann an Colaiste na h-Eaglaise Saoire ann an Dùn Èideann airson trì bliadhna. Chaidh a phòsadh ri coitheanal Shiaboist san Dàmhair 2000 far a bheil e chun an latha an-diugh. A bharrachd air a bhith a' frithealadh a' choitheanail, tha an t-Urr MacLeòid cuideachd na chlàrc aig Clèir nan Eilean Siar.

Nuair a gheibh e beagan ùine dha fhèin, ( rud nach bi a' tachairt ro thric ) 's caomh leis a bhith a' falbh air a' bhaidhsagail, a' ruith agus a' coiseachd agus, nuair a dh'fheumas e, bidh e a' dèanamh beagan DIY. Tha ùidh aige cuideachd ann an croitearachd. Grunn bhliadhnaichean air ais, sgrìobh e a' chiad leabhar aige air eachdraidh Eaglais Shaor Shiaboist.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Dèanamaid Adhradh

An t-Urr Calum MacLeòid, Eaglais Shaor Shiaboist

Genres

Brand

BBC Radio nan Gàidheal

About BBC Radio nan Gàidheal