BBC Radio nan Gàidheal

Dealan-dè

Discussion & Talk

Entertainment

Maicreafòn

Còmhradh bho thasglann Dealan-dè. A conversation from the Dealan-dè archive.

Dealan-dè: Iain Macleòid, paidhleat Loganair

Iain Macleòid, paidhleat Loganair

BBC Radio nan Gàidheal - Dealan-dè, Iain Macleòid, paidhleat Loganair

Ceitidh Anna NicChoinnich air turas air plèana a Bharraigh 's Iain Macleòid na phaidhleat

Ceitidh Anna NicChoinnich air turas air plèana a Bharraigh 's Iain Macleòid na phaidhleat. Iain Macleod pilots Katie Anne MacKenzie's first flight to Barra.

An tràigh mhòr ann an Eòlaigearraidh ann am Barraigh - le còrr is dà mhìle de ghainmheach geal, làn shrùbain, ainmeil air sgàth 's gur i an aon phort-adhair san t-saoghal far a bheil itealain clàr-ama ceadaichte a cleachdadh na raon-laighe.  Tha i a' tàladh na mìltean de luchd-turais gach bliadhna 's iad airson an t-slighe iomraiteach seo a dhèanamh a' sgèith à Glaschu no à Steòrnabhagh agus Beinn a' Bhadhla.

Tha còrr is deich bliadhna fichead bho chaidh cuireadh a thoirt do Cheitidh Anna NicChoinnich an turas a ghabhail a Bharraigh, airson a' chiad uair, air bòrd an twin otter aig Loganair a' falbh à Steòrnabhagh. B' e fear de na paidhleatan aig an àm 's bha a' fuireach san ath bhaile rithe ann an sgìre nan Loch a Leòdhas, a bha air an cuireadh sin a thoirt 's cha be ruith ach leum!   Esan Iain MacLeòid, no Charlie, mar a b'fheàrr a dh'aithnichear e as sgìre, mac Chaluim 'an Chaluim à Bail' Ailein. 

Ag èirigh suas cha robh càil a b'fheàrr le Iain na bhith innleachdach le bhith a' toirt nithean às a chèile agus a' faighinn tlachd mhòr à feuchainn rin cur ri chèile a-rithist! Chuireadh e làmh ri iomadach rud eadar clachaireachd, saoirsainneachd agus obair na beairt.

Ach aig toiseach na h-ochdadan sann a ghabh e ùidh mhòr ann an cùisean co-cheangailte ri itealain.  Bha e air a bheò-ghlacadh chun na h-ìre 's gun do dhealbh e 's gun do thog e dà itealan e fhèin, bho thùs gu èis, a' cleachdadh engine Volkswagen Beetle. Às dèidh beagan ùine an uair sin a' treanadh, fhuair e cead a bhith na phaidhleat ann an 1984.  'S beag a bha dhùil aige gun toireadh an rud a thòisich na chur-seachad e gu dreuchd làn-ùine dha!

'S ann aig toiseach a' Ghiblein 1989 a choinnich Ceitidh Anna ri Iain ann an oifis Loganair aig Port-Adhair Steòrnabhaigh 's e ag ullachachadh airson sgèith sìos a Bharraigh agus abair gun chòrd an turas rithe!

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Dealan-dè

Iain Macleòid, paidhleat Loganair

Genres

Brand

BBC Radio nan Gàidheal

About BBC Radio nan Gàidheal