BBC Radio nan Gàidheal

Dealan-dè

Discussion & Talk

Entertainment

Maicreafòn

Còmhradh bho thasglann Dealan-dè. A conversation from the Dealan-dè archive.

Dealan-dè: Donnchadh MacChoinnich à Geàrrloch

Donnchadh MacChoinnich à Geàrrloch

BBC Radio nan Gàidheal - Dealan-dè, Donnchadh MacChoinnich à Geàrrloch

Donnchadh MacChoinnich a bhuannaich am Bònn Òir aig a' Mhòd Nàiseanta ann a 1936.

Donnchadh MacChoinnich a bhuannaich am Bònn Òir aig a' Mhòd Nàiseanta ann a 1936. Duncan MacKenzie, Mod Gold Medallist in 1936 talks to Fred Macaualay in 1988.

Chan e a h-uile duine aig aois 87 a sheinneadh òran ach cha b’ e a h-uile duine Donnchadh MacChoinnich às an t-Srath an Geàrrloch! Bhuannaich Donnchadh an Bonn Òir aig a’ Mhòd Nàiseanta an Inbhir Nis ann a 1936, an aon bhliadhna ‘s a bhuannaich Kitty NicLeòid bonn òir nam ban.

B’e tàillear a bha na athair ann an Geàrrloch agus bha teaghlach mòr ann – càraid nighean aig toiseach an teaghlaich agus Donnchadh an uair sin,  a' chiad fhear de dh’ochdnar mhac a sreath a chèile.  Rugadh e  ann a  1901 agus chaidh a e dh’Oilthigh Ghlaschu ‘s thug e mach teagasg.  Thòisich e an Obair Bhrothaig ach thug e greiseag a Sgoil Dhrinisiadair as na Hearadh, an Inhbir Nis ‘s am Bail' Ùr an t-Slèibhe ach ‘s ann an Dùn Èideann a chur e seachad a’ mhòr chuid dha bheatha-obrach gus na leig a dheth a dhreuchd sna trì ficheadan. 

Fhads a bha e ann an Dùn Èideann,  bha Donnchadh gu mòr a’ sàs ann an ceilidhean Comunn Tìr nam Beann agus sa Chomann Gàidhealach. Bha e làidir a thaobh na Gàidhlig agus nuair a chuir e clasaichean air adhart,  thàinig 400 air adhart air an son. Bha e cuideachd ri bàrdachd agus rinn e grunn òrain. 

Thill Donnchadh a dh’Inbhir Nis ann a 1967  agus nuair a chaidh Fred MacAmhlaigh a cheilidh air bha e fhèin ‘s a bhean air a bhith glè dhòigheil a sin airson fichead bliadhna. Bha e na èildear, na phrecentor, na bhritheamh aig mòdan agus bu dheagh chaomh leis gèam bowls agus a’ dol cuairt an cois na h-aibhne leis a’ chù.  

Sa chòmhradh cluinnidh sinn mu èirigh suas, mar a dh' ionnsaich e a' Ghàidhlig agus mu bhith seinn agus a' sgrìobhadh òrain 's bàrdachd. Gheibh sinn cuideachd iomradh bhuaithe air Leabaidh na Bà Bàine, an t-àite ann an Geàrrloch far am biodh comanachadh dha chumail air a' bhlàr a-muigh.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Dealan-dè

Donnchadh MacChoinnich à Geàrrloch

Genres

Brand

BBC Radio nan Gàidheal

About BBC Radio nan Gàidheal